今日，原本都好地地嫁．．．
我只係諗住同我２少ｆｉｒｍ晒ｄ野咁就完成今日o既手續～
但係o係下午收到個電話之後．．．就唔同晒喇～！！

最初我根本乜都唔知囉．．．
都係全靠o靚妹話我知，我２少偷偷地去配左條鎖匙～
事關呢條匙係可以用黎開左鎖住部電腦硬件
（ｋｅｙｂｏａｒｄ，ｍｏｕｓｅ）o既果個櫃嫁～！！
再者，之前我已經嚴重警告過佢，千其唔好去配；
而且，佢亦都親口應承左我話一定唔會做囉～！！

大約６：００ｐｍ左右，佢打過一次黎．．．
呢次我只係同佢講左ｄ初步o既事．．．
問左佢今日ｄ流程同挫左ｄ幾句咁啦～！！

大約８：１５ｐｍ左右．．．佢再ｆｉｒｍ多次～
今次就黎真囉．．．皆因我要發惡鬧人喇～！！

首先，我同佢講返晒ｄ規矩同提返晒佢所有野先～
而且，仲問左佢有關拆夥o既意見添～！？
我．．．就梗係仍然心情平靜啦～！！！

不過，搞掂晒呢ｄ野之後．．．就入戲肉喇～
我ｄ語氣同態度就梗係開始嚴肅啦～！！？

最初我問左佢幾條問題先．．．
問佢我惡唔惡；佢都安穩左好耐喇；我同佢幾耐冇吵過大鑊？？
佢已經醒左嫁喇．．．答晒兼且察覺到有唔對路＝．＝”

跟住．．．我再問佢坐左o係邊？
但佢都講大話，話坐左o係廳到睇電視～
我對住部電視問佢有關內容；但佢都答錯，咁就已經知咩事啦～？！
而且，我根本就聽唔到有電視聲～！！

我再黎問佢．．．佢有冇開電腦～？！
佢有心帶我遊花園．．．答到勁亂；時話有，時話冇～？！
咪傻啦．．．我就梗係唔會上當啦～！！
最後佢都老實咁答我．．．有開到～
我問佢．．．點解佢開到機？
佢話ｄ硬件由佢阿妹擺返落櫃，冇鎖到～
我冇辦法唔惡啦．．．一個大話，又再出一個大話～
咁我就同佢講．．．我知道左ｄ野啵．．．
究竟係由佢自己講o丫；定係由我講．．．好呢？？
我話左嫁喇．．．由我講o既，佢就唔會再有機會返轉頭～
咁佢就揀左由佢自己講出黎～！！
佢承認左佢有去配匙同私自偷開電腦打機～！！

因為．．．我先前已經講左叫佢唔好；佢又應承左～
而且．．．o係今次對答到．．．
佢講大話兼唔守信用，令到我勁嬲囉＝．＝”
佢明知我最憎人對住我講大話同唔守信用嫁喇～！！
但都仲要明知故犯．．．即係擺明挑戰我啦～！！

之後．．．我就勁鬧佢，勁噴佢；訓話～
而且，亦要佢反省下佢自己有咩問題．．．
用引導方式去要佢諗野～！！
佢根本就知道自己衰咩；而且所有道理佢亦都清楚理解囉～

最後，我勒令佢將條鎖匙交出黎～
佢最初仲諗住同我講下數先嫁～！？
如果佢唔交．．．咁佢會點呀？
佢唔肯合作，我就一定唔會就此罷休啦～！！
經過今次，佢．．．應該知死啦～！！