每個人都要成長．．．
都會經過好多個唔同o既階段～
而眾多o既新人．．．
都會經過好幾年o既時間去受ｔｒａｉｎ～
想要成功係須要經過好多磨練同學習～！！！

經過左接近三年o既ｔｒａｉｎｎｉｎｇ．．．
基本上邊個跑得出，都已經成左定案～！！
睇返晒，計返晒過往o既功績．．．
佢係邊個，我諗大家都心裡有數啦～！！！

講真o丫．．．
我本人自己係比較鍾意ｄ受教、聽話、純品o既人囉～
我唔太喜歡ｄ過份自我，任性o既人．．．因為呢ｄ太難教喇～

不過又咁講．．．佢兩個都唔算太惡教～
但係始終都係只可以得一個跑得出囉～！！

呢三年o黎．．．發生過好多事～
如果話同一個人o既感情深唔深厚？
我諗．．．真係要講到大家一齊所有o既經歷囉～
兩個人相處，一定冇可能永遠都咁平靜．．．
一定會有起有落，有喜有悲～～
個中o既感受正正就係感情o既經歷同考驗～！！！
經得起考驗o既感情，先會長久囉～！！

無疑．．．佢係最得我歡心；亦都係最親我果個～
果種感覺，就只係得佢俾到我～！！
而且，佢俾到我o既果種感覺．．．
係其他人完全俾唔到我囉～！！

再者，o係各方面．．．佢都做得（比較）唔錯～
佢亦都係最聽我教，都算係幾跟足我要求去做～
可以話．．．我安排條咩路佢行；佢就照行～！！
可能偶然會同我撐下或出問題，但係最終佢都係會做～！！
總括整體表現都算係唔錯啦～！！

佢就最怕我．．．
最怕我嬲，怕我鬧同罰佢；怕我唔理佢～！！
始終，由佢出道到宜家，一切野都係我一手跟同教～
所以，佢就最緊張我對佢o既感覺喇～！！

佢只係肯受我鬧，受我管；淨係鍾意我理佢～
即使其他親戚做相同o既事，佢都未必會接受＝．＝”
而且，佢個心呢．．．就只係得我囉～
佢係比較爭寵，同時佔有欲亦都係比較強～！！
如果我唔理佢，佢會唔開心、會嬲，甚至會呷醋添呀～？！
佢簡直就當左我係佢親生親人咁，好安心咁由我去照顧～
（以上o既觀察同對答係由有關親戚同佢本人作實）

不過．．．佢又係好怪嫁～！！
佢係生定對住我呢．．．所有野都做到好足；執到好整嫁咋～
佢呢．．．好識扭我計，對住我就成個細路仔咁～
同時，亦都好識同我講數；乜都講左數先；唔掂先投降～！！

佢排名雖然唔係最細．．．
但係我咁多個新人中實際年齡最細果個～
但係佢卻係最識諗果個囉～！！！
好多時．．．好多做人處事方面o既道理．．．
佢o既思想都係比較成熟同吸收得好果個～！！

我始終覺得做人處事．．．除左要用腦之外；最重要係．．．心～
尤其係人同人之間o既相處～！
無〝心〞．．．感情一定唔會深～！！

我承認我係一個比較嚴，同要求比較高o既人．．．
可以咁講，某程度我係一個幾完美主義o既人～！！
基本上o係我手上跑得出，佢都應該唔太差嫁喇～！！！

由佢出道至今．．．佢改善左的確好多～
教左o既野，佢學到好多啦；
另一方面，o係好多方面的確睇到佢有明顯改進～
派台作〝最後勝利〞亦都已經俾左佢喇～！！
只要佢冇出現大問題．．．
佢一定可以完成呢三年ｔｒａｉｎｎｉｎｇ～

我的確係擺左唔少時間、心機、資源（人力物力）o係佢度～
好多人同我講．．．覺得我好成功～
可以教到一個咁聽話o既新人出黎～！！
同時亦好佩服我有咁o既耐性同恆心去教～
將一個完全唔認識o既人，乜都由頭教起．．．
而且仲可以有宜家o既成績添～～

佢地都好相信．．．人係可以改變人～
或者佢就係一個好例子啦～！！
由一個傻小子，改變至一個懂事o既小男孩～！！
有今日o既成績，我都好開心囉～！！！
終於證明左，我o既努力同堅持係冇白費嫁～！！！