較早之前同我２少o既冷戰．．．
已於今早告一段落喇～
哈．．．點解呢？？

係咁o既．．．
佢今早又打俾我搵我．．．
原來真係正如四妹所講，佢當日已經知道出左事～
亦都知道我嬲ｄ乜野～！！

同佢傾返．．．
佢果然係驚死，知我嬲左佢～
但就唔知道我點解唔聽佢電話囉＝．＝？

其間，佢試過搵過我．．．但唔成功～
我問佢：有冇試過用ＩＣＱ或電話搵我？？
佢就話：試過Ｃａｌｌ過我，但冇人聽；
而ＩＣＱ方面都試過；但就係因為佢要用ＩＣＱ所以順手咁做！？

冇錯．．．佢係好老實囉＝．＝”
但係我聽左之後，我都唔知俾咩反應佢囉＝．＝”
都唔知應該嬲佢；或是是欣賞佢o既老實～！？

講完晒件事．．．
佢就應承左話以後都唔會有同樣情況出現～
我諗．．．
經過今次件事，佢都應該知我真正係講得出；做得到～

不過．．．佢就成日問我．．．
點解個電話打得通但冇人聽～？？
我同佢講．．．我係特登唔聽o既～！！

我又問過佢．．．
如果佢繼續搵唔到我，佢會點～？？
佢話．．．佢會試，但試完就算＝．＝
仲可能會覺得我係玩野；可能唔繼續試～！？
唉～～我都唔知佢知唔知我諗緊咩嫁？？？

不過．．．佢又真係死好命囉～
我話過o係２００５年到之前．．．
佢再唔搵我．．．我就唔睬佢直至出年３月～

點知．．．佢又好命喎．．．
今日咁o岩又搵到我囉～！？

至於條件方面．．．我同佢已經講好晒～
我唔想再出現一大堆出現過o既問題．．．
叫佢要汲取歷史o既教訓～
如有同樣情況，我絕對唔會原諒佢囉～！！

不過．．．個衰仔呢．．．
又的確係幾識哄我，幾識搏我歡心囉^.^

最後．．．
同佢講埋ｄ正經野，交代晒ｄ野之後．．．
就完成左今次件事喇～