原來你係咁唔想聽架？咁你點解唔講明？

我唔明，點解你會鍾意選擇停止溝通既方法去解決問題。
或者你真係唔太在乎你既果個朋友。

見你將我當成咁垃圾，我都唔好意思再講話自己點鍚你，
點比你頂撞暗串明串以我性格都忍住唔鏟爆你上天花板，條氣谷住過一日。
點唔食得既野你話想食都就你叫，叫完之後成碟淨返係度唔出聲。
點樣係你唔開心既時候點希望做任何野令到你開心，雖然你好似唔多令情但係我仍然keep trying。
點怕黑都就你地比你地訓中間仲要幫你地熄埋燈，我係屋企係要開燈訓。
點擔心你地帶漏野專登帶埋你地果份，我都好開心你地有用。
點見到綠色野都想買哂比你，我好似唯有做咁先至真係令到你開心。
點樣心裡希望你可以快d過幸福生活，你唔知。
點樣見到你既幸福甜笑而由衷覺得開心，你唔覺。


講咁多廢話，做咁多無謂野，我又唔會係你身上著到咩著數。
講咁多廢話，做咁多無謂野，我都無要求你主動關心我內心世界。
講咁多廢話，做咁多無謂野，都敵唔過一個咁既理由黎放棄我。

其實可能唔係因為咁既理由，或者你都好似我遇過既男人咁，放棄一個人根本唔需要理由。


至少我付出既時候我覺得開心過，真心愛惜過。
--

見字好想即刻係你個blog度留低呢段說話，又怕你唔高慶，我留返比自己。

以及，我都有我極痛恨既人，而你亦有同佢繼續做朋友，還盛讚什麼的，係你既「朋友理應企埋同一陣線」概念上，我地大家打個和架咋。