好凍呀……今朝起身，被困被竇，我既意志無法戰勝被竇大魔王既溫香軟玉， 好想打電話比人求救…
(你試下打睇下比唔比人鏟丫拿… ) 所以咪無打囉…
終於hea到三點幾悶得濟先起身。

點解乜都咁凍架，著返件衫，件衫又咁凍；開水喉d水又咁鬼凍；連戴幅con上眼，都好似將兩塊冰片攝落眼球咁 …… -_-
如果呢個世界可以發明一部溫暖一叮，可以將所有貼身物品用之前都叮一叮佢再擺上身就好喇……

沖完涼叮下d毛巾再包住個身，呀… 諗起都爽~
搽lotion前成支叮暖佢，再慢慢按摩，唔洗好似而家咁拿臨捽完就算。
再將叮到又暖又乾爽既底衫褲同面衫褲著上身，個人好似識飛咁~
朝早起身有件熱左身既大衣等住我，羽絨被駁大衣，就好似人地食煙一支駁一支咁款。

所有最貼身既物品都暖住暖住咁侍候你，哎，我又諗衰野……
唔知用暖住暖住既dom dom會點呢……