某個午飯後的下午，我拿著portfo袋，慣常地於超市內買野飲，就像每個要上wilson堂的下午一樣。
選購途中，有位年約四五十的大叔走過來搭訕，見我拿著portfo袋，就說邀我返佢公司參觀。
神推鬼撞，我應承了。

上到公司，就像電影裡的4A公司一樣，一望無際的空間，地上卻是密集的板間office台。
「這裡是客戶服務部。」

走到中庭，有天窗，陽光射進展示出公司作品Gallary，很夢幻。
室內設計紅色漆鐵+灰色水泥牆，又有樓梯分上下層，很有氣派的公司。

接下來，大叔帶了我進另一房間。「這裡是創作部。」
房內只有幾張很亂的台，幾張亂台又只有其中幾張有人坐，又再其中有幾張熟悉的面孔。
哦...原來是x屆前師兄/師姐...

房中又有房，裡面竟然有床！「Designer累了就可以進裡面休息。」
聽到我O哂咀，大公司果然是大公司...

最後，大叔帶我到其中一張台坐下來，終於表明身份，原來他是這間公司的創作總監。
其實我心裡早有點準備，在他帶我參觀公司的過程中，早已看出他在公司的地位有點超然，果然不出所料.......但心中繼續騰雞......
大叔邀請我加入他的公司，還說會給我每月六千六百八十蚊工資，我告訢他我早有part time，在這家公司都只可以以part time形式工作。
他爽快地說沒所謂，成交。他以$6680請了我，幾時返工都得。

「這公司叫咩名呀？」
「Cyber。」
噴~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~





醒左。唔係，係醒哂。


--
唉，年紀越大，發既夢就越黎越似寫實主義既電影。

繼assessment發「食cyan色蠟筆」、受壓後發「還我尊嚴」夢(上唔知幾篇)，我尋晚又發埋d真實感好重，反映到我內心，但係又無厘頭既夢。

果位大叔連我手上的portfolio都沒有看過......他憑什麼決定請我？我靚咩？唔係掛...
我易呃咩？呢樣就近磅d......
不過依我估計，佢請我係因為我個樣似係情婦格，又似易呃，再加埋房中房的雙人床......
很可疑。
而我，卻應承了...睇黎，我真係好想搵多份part time.......

話時話，吹時而家真係搵緊part time工......有冇人請part time designer呀？
但係我唔要做大叔情婦呀！