今日同傻娘傾返尋晚單野，有一野，我真係由衷覺得我娘好醒好醒。
話說去到差唔多ending既時候，條粉鏟要求我爹比聯絡方法佢，話報公安既時候可以搵到我地。
我即時諗「唔係下，你咁既勢比左電話你仲得了？」於是諗下有咩聯絡方法係最安全既，諗黎諗去都係得醫喵咋喎. . .
而我爹果一刻睇佢個樣好似有d想比，但係又知道比左會奶野，係度猶疑中. . .

我娘果下就企左出黎，同果條友講，「公安有咩事會自己搵我地，我地有登記公安有哂我地資料架喇。」

哇~~~~~~sugoi~媽咪你真係好醒呀~

我諗我娘呢下係EQ贏哂，我同我爹都係唔冷靜狀態，個腦唔係幾轉得順之餘，我同我爹都係思考人，做野係要經過深思熟慮，要考我地即時反應就真係比較削既. . .

我係度讚我娘醒，佢係度沾沾自喜~嘻~佢話爹成日都唔聽佢講野，寧願問勻哂其他人都唔問佢。我諗原因都有幾個既. . .
一黎我爹大男人啦，覺得問老婆好似唔係幾自在咁，二黎我娘平時表現就真係傻下傻下既. . . 所以可信程度都叫做偏低. . . 我唔忍心將呢個原因話比佢知，等佢繼續沾沾自喜下都好既，話哂都叫做難得威返次丫~

係呢件事入面，我對我爹娘既認識又深左，我爹原來真係一個大好人得咁交關，而我娘EQ又原來可以咁高。
我娘話，我爹不嬲都係咁架，忠忠直直咁。而我娘就守住係我爹身邊，驚佢蝕底，因為我爹太好人，但係又要有威嚴喎。 我爹發起惡上黎真係勁恐怖架，佢聲都唔洗出方圓數百哩既所有物件都已經自動嚇到燒焦萎掉，就好似貞子爬出黎唔洗拿把刀片你你都比佢嚇到心臟麻痺而死。
所以我娘EQ真係好高架，我爹咁得人驚佢都可以對咁耐，我諗愛得我爹脾氣最多既人都實係我娘架喇，佢地相處時間咁多。我一早都話左我娘心既力量好大架啦，唔單止不斷輸出愛，EQ高更加係佢既最強武器。

媽咪，你真係好叻呀~