呢幾日既最後階段，忙到痴左線。

每日要做既就係坐係電腦面前做做做，903節目重溫、早午晚餐、toilet、床都成為我既維生裝置，其他任何事都唔洗理，每日八點起身，做到眼訓就訓。

一起身開電腦做，做到開始感覺肚餓亞珍就返黎買左個早餐比我食，做到又再肚餓既時候就係食中午飯既時候。有爹娘同我食中午飯，跟住車我返學見亞sir，亞sir又唔知做乜狂buy我既功課。

全世界好似都好似圍住我運行，個個都就哂我，爹又做我既柴可夫，娘又幫我搵材料，朋友仔又話幫我手，又岩岩搵到方向鏟緊去大直路，只要我一直咁做，七月一前完成所有野就得。

講真，我真係覺得好幸福，做返個日出而作日落而息既正常人，唔再一睜開眼就係天黑同埋有時間比我胡思亂想既日子。

雖然以我情況真係好唔樂觀，好多次都好想放棄，但係我只可以專心咁做好我既畢業作品，全世界都支持我，又有返好似當時係香港心無雜念既愉快感覺。