都話左我係一個熱愛表達自己既人黎架啦~
對於d問卷型既物體，我一見到就會兩眼發光，吼住有其中一個人兩隻手指吊張問卷出黎，一聲唔想願或者是但搵個人填既推卸時機，我就會挺身而出「等我填啦。」

一填仲要唔係人咁品，選擇題都滿足唔到我，只要最後有意見欄既幾行長線，我都唔會浪費佢任何空間，由頭填到落尾，甚至可以填出界駁紙再駁紙。

當周圍既朋友仔見住我咁認真的樣子，填到需要駁紙再駁紙既時候，都投以不可思議既目光。
但係我真係好鍾意填。

我果d有乜就講哂出黎既癮就係咁深切，時常天真得以為只要出左聲就會有人理，以為出左聲人地就會改善。
或者我真係唔係幾在乎佢地改唔改善理唔理，我只係覺得填既過程係快樂既事，至少有個表達自己意見既機會，表達自己，係快樂既。

我諗我填得最長既問卷應該係學校老師調查果份。
每個sem都會派一疊黎比學生填對每個老師既評價，我都唔會留手，有咁長得咁長。通常填完可以落堂放學，而我通常都係最遲離開課室果個。

岩岩買左隻新上市既m巾，包裝上面寫住可以去佢個網址度發表意見。
當我一買佢返黎又未用既時候，我就已經決定左要上去表達意見。(唔係因為佢話會有精美禮品送返)
到我用左之後，勁唔妥，好，一於上去鏟佢一鑊！
點知當我由頭填到落尾再send出去既時候，竟然話比我知send唔出！
於是我繼續send左十次以上，都係生唔出。
都唔知係咪佢個system落左命令，如果有人填非常不滿意既話，係會收唔到send唔出. . .

哼！f，我唔會咁易屈服既，我會遲d再填過再send過架！
http://kao.com/hk/f/feedback/