就好似大陸睇tvb咁，不過我個台就相反，只係收到一切壞既報道。
一切蜜甜溫馨浪漫畫面，我個台完全收唔到。

東窗事發，觀眾作出相應反應既時候，朋友們竟然怪我話佢地既男朋友。
一個係咁，兩個又係咁，個個都係咁。

「佢都有對我好，不過無同你講...」
「無同你講」有呢句就夠。

當你甜蜜快樂既時候就掉低我，無我既事。
當你唔開心既時候，我走黎煩你，係我多事。
而家我反應返你地灌輸比我既壞印象出黎，你怪我，我講佢壞話你會心痛？！
邊個心痛我心痛你呀？

又話拍左拖無唔同，又話好似以前一樣，淨係拍拖既野唔同我講已經唔同啦。
根本就再無可能同以前一樣，根本我係你地心目中既位置點都係比人迫落左一級。

男人既野我再唔上心，我以為我已經唔洗再流眼淚，不過估唔到下一著傷我既竟然係我既好朋友。
又或者由始至終錯既係我，我唔應該佔有朋友太多既空間，我對朋友既期望實在太高。

正白痴。我呀。

火柴，估唔到我將你半賣半送，都要比人退貨。

對唔住，或者我d火柴真係唔夠光唔夠熱啦，都燒哂咯，收檔吧啦。