拒絕人的確係一件幾難開口既事，唔拒絕既話，除非你真係可以頂硬上到件事美滿地完成為止，如果做唔到又應承人，都係一個幾自私既行為，不過更惡劣既都仲有。

我諗應承左人又唔願做既情況下，衰既程度由輕至重排列，結果有四個：

一,死頂但努力地令件事美滿地完成。
二,得過且過地完成件事。
三,反悔。
四,怨起個樣對住人等人地開口問你係咪唔想做。

如果係第三你開口拒絕既話，whe爛塊面果個係你。
如果係第四你怨起個樣長期keep住一幅不願做既態度，迫人開口問你係咪唔想做既話，whe爛塊面果個係人地。

應承左人地唔做，已經唔岩，應承左人地又唔想做之餘，仲要人地whe爛埋塊面添，連呢少少責任都唔付？！. . . . . . 我都唔知講乜好。

就例如放飛機，應承左人地話去又話唔去已經衰，仲要應承左人地去又唔去之餘仲要人地成個癲婆咁追你九條街先搵到你再whe爛塊面問你做乜唔去！有冇殘忍d呀！
越近約會時間情緒越高脹，係人地高脹到頂點既時候先發覺原來自己好似白痴咁空等，你話火滾唔火滾？！


其實我都係唔識拒絕果隻人，但係經過今次之後我發覺，要學識拒絕人。
多謝你地比我上左呢寶貴既一課。