終於掉左果五千字比亞蛇喇，明知仲有好多野要執，同埋仲有好多野想講又未講，不過第一渣由佢交住先，最多遲下再黎過。

呀~~~~~~交完之後，成個人爽哂。

就好似便秘左好耐，跟住將一大煲打完邊爐既湯底一飲而盡，漸漸感動陣痛。返屋企既途中便意已經醞釀得七七八八，終於開到門入左屋，手震住咁解褲頭鈕跳上馬桶，咇利呠劣咁屙到個人彈離馬桶5cm。

飲湯同醞釀既過程總係痛苦既，飲之前要提起好大勇氣；
醞釀既途中又擔心會唔會返到去又屙唔出，又或者係途中賴低左d，到真係可以屙果時又得返果少少。

而家總算係屙左出黎啦，雖然星期五仲要去見驗s官，等佢出報告，調理身體再屙條再靚d既。

但係起碼而家屙左咁大篤，都叫做有返d渣拿係手，個心定左好多。

係呢個產出既過程中，好彩有椎名林檎陪我入產房，不停咁炸我個腦，等我唔洗屙屙下訓著左，到時d唔唔又會縮返入去. . . . . .

屙完之後，「*」元氣大傷. . . . . .

唉,遲下又要再黎過. . . . . .又唔係話唔想屙，只不過可唔可以屙得愉快少少呢？


哇啋！乜我講d野越黎越核突架. . . . . . 唔高貴喇. . . . . .