唔理幾時,唔理係邊度,一有開心野,我都忍唔住要大大聲咁話比人知。(對象當然都會有返d限制既. . . )

真係忍唔住口忍唔住口,點解遇到咁開心既野可以唔話比人知架?
我只係覺得好開心咁想話比我覺得佢都會為我開心既人知我開心。(呢句有點爛…)

我估呢d唔會係曬命掛?在吹時黎講, 曬命既意義係在於曬後會想人feedback返你既係羨慕又妒忌,跟住自己就挺起個胸黎行又或者….我都唔係好清楚點講好,但係我爆完一輪之後無果種想挺起個胸黎行既衝動又或者動機啦~

其實我知道我成日都咁樣忍唔住口法,會惹起其中一d人既反感又或者背後”治斟”我,但係我樂於用我既人心同人體黎做實驗,睇下d人對住個無修飾過自己既癲婆會有咩反應. . . . . .

可能最後既結果係無哂朋友掛?!
唔知呢?實驗未完成,而家有得開心就開心住先!(又比藉口自己)