小嫻同學講得岩,返到黎,就覺得好似隨時都可以再走咁。
跖再好似以前咁,覺得屋企係唯一可以安置我既地方。

唔知係咪因為過左一個人既生活兩個月,同埋成日自己一個行銅鑼灣,而家既感覺,好似唔怕再好似以前咁,死都要有人同我出街先至會踏出屋企門口。
我可以自己一個行街,甚至連以前輔助我排解”alone in the street”感覺既mp3機都可以解除,取而代之既係久違了既相機。

以前自己一個係條街度既感覺,爆不安,正所謂如坐針氈,成日好想快d做完哂d野快d返屋企就安心。
而家最令到我想快d返屋企既理由,就係肚餓,但係又唔想洗錢係出面食多餐,所以返屋企食住家飯,哈哈~

見返同學仔,同佢地講野果陣屎,發覺自己講野夾多左英文同埋說話速度快左好多和,哈哈哈哈~

而兩個月無用過既PC,而家用返,成日打”唔”字果時一打完就會禁埋個2字,因為係mac打個’唔’字係會擺係第二格,於是成日出左個”跖”字出黎。


短短兩個月,澳門既風景,竟然可以大大改變。
多左聖誕燈果d唔計丫,去之前仲係細蚊仔果兩間賭場,真係快高長大,仲要係大隻仔添...
唉,好肉酸......

我workshop果卷膠紙,唔止可以係香港用,當我做好果時,我諗係澳門都可以用喇。

唔係喇~都係要拎返個mp3出黎,一路搭巴士一路搭巴士一路播果首燕尾蝶,自己就變成左mv既主角ru......


不出我所料,返到黎澳門果然係會再次跌入之前既生活模式之中......
我唔想要咁既生活呀!

已經開始懷念係香港所遇既人,同生活......