一件唔開心既事,發生左,唔知邊個岩邊個錯,由我把口講,好可能我會偏幫左自己,如果你想睇下我今日發生咩事既話,你就睇啦,話明可能我會偏幫自己少少(我諗都唔會偏幫得太多掛…)

話說今日同老細同亞頭開會,每人交三個方案出去,包括埋亞頭。有得亞頭份,我地呢d細既,就梗係陪跑居多啦. . .
到我地每人present完自己既方案之後,從來無一個人話明揀邊個方案,包括老細同亞頭。不過就算點,都唔會buy我果個idea架喇,咪唯有以係亞頭果份為大方向,開始諗囉. . .
亞老聽完我地present又無講buy邊個就走左去,淨係叫我地搞個時間表,幾時可以完成d咩咁,跟住,就淨返亞頭同埋我地幾件細既係會議室。
我就開始拿住亞頭果份黎比意見喇. . .(我諗我咁講,醒目既各位都知係我奶野既伏線啦)
但係我唔遺意,因為佢係度態度懶開放,懶係接受人意見咁,我咪踩野囉. . .

其實我態度都好似正常問人野咁,問亞頭”咁咁咁做可以架可?”
亞頭話”老細都睇過佢都覺得ok架喎。”
無知既我仲唔醒水,仲係度繼續問仲懶直接咁比意見. . .終於. . .
亞頭說”頭先有咁多機會比你發表意見仲唔發表,而家已經定流程既時候你先至黎咁多意見?!?!?!?!”
我當場呆左. . .繼而say sorry. . .
“唔好意思,我唔知原來已經定左. . .”

後來散會既時候,我同佢講多次唔好意思果d,我都唔想得罪人. . 尤其果個係我個亞頭. . .
我話”唔好意思,我真係唔知原來已經定左。”
頭話”我都唔好意思,不過頭先比你越拉越遠我一時唔知點算好所以講左d說話. . .”
我話”真係唔好意思. . .”


就係咁,我心裡面唔舒服到而家,好想好想好想喊. . .
係我既角度黎講,我覺得自己都幾無辜. . .
錯就錯在太天真. . .以為態度真係咁開放,可以比人發表意見. . .

我唔敢話我完全無錯,佢入我個位都入得岩既,老細係度果時我又唔出聲,等老細走左我先至講. . .
不過其實我都係唔想係老細面前叉輪佢姐. . .
又或者我有其他地方做得唔好唔適當. . .

有無人可以開解下我. . .又或者比意見我. . .?