對於我黎講,我自己一個人既時候係幾難會笑得出架。我見我大佬呀,我d friend呀亞珍呀佢地自己一個睇電視果時會笑到超大聲,笑得好開心,但係當我自己一個睇電視呀,戲呀果時,唔知點解好少可會笑到好似佢地咁。可能我個人比較悲觀......?

某程度上,笑係一樣做比人睇既野,又或者話,無論咩情況都好,笑係百利而無一害(當然某d情況除外,例如死人冧樓),笑對比起喊黎講,係一樣更雜複更有陰謀既舉動。

可能係為左討好人,可能係為左比人以為自己係一個和善既人,可能係為左表示讚同,可能係更多更多......

同時,笑,其實係需要共鳴架......你諗下,如果你笑既時候,你身邊既人個個都木無表情咁,你係一個幾老尷既處境?

但係相反,無論咩情況都好,喊始終都係唔想比人見到。

喊,亦都可以用黎做武器,例如某d女人鍾意係人前喊黎搏同情懶可憐,但係呢個招數,比起扮笑扮好人黎講,就更流於表面同更浮誇喇。

喊,係唔需要人同你一齊喊架。我自己一個人都喊得出。