尋找白色聖誕在信達
兼職學生Iris Leong話佢要過一個白色聖誕!於是佢於好努力咁係信達城度搵件岩心水既白色褸,過一個白色聖誕。

聖誕樹
我咁大個女,見過咁多棵聖誕樹,我估最核凸都係係噴水池新苗門口見過果棵。一棵人咁高,掛左好多波波既聖誕樹,好地地,加埋d閃燈就差唔多喇~佢都有,不過可惜佢d燈閃之餘,d電線係大大條,白色,好似魚翁撒網果d網咁,笠鬼住左棵可憐既聖誕棵……

聖誕禮物
今年收左一隻好似個人咁高既大鴨鴨毛毛公仔,得意到死!!!而家係度晚晚同我爭被冚。多謝薯B!多謝薯B媽!

聖誕歌
唔知點解,真係幾驚聽到,無論中英文都驚。但係for聖誕既聖歌反而鍾意,童年回憶嗎。

普世歡騰
死咁多人同車同二合為一既人係條街度,自己一條友係條街度都咪話唔淒涼。

失戀後既聖誕
三條友打左八圈麻雀,一蚊番,都贏左廿蚊架,係咪叫做補償返些許呢。

共渡聖誕人選
當然係最愛既人啦,但係父母除外,由佢地兩個sweet sweet啦~跟住就係男朋友或好朋友,可以既話我會叫埋佢地一齊玩,唔可以既話,我會揀好朋友。


呢個世界仲有幾多人記得聖誕節係慶祝耶穌生日既呢?