我失左戀都有幾個月喇,到而家仲未恢復到,雖然無喊,但係都唔見得好過。更加時常都唔知自己做緊乜。
唔知自己做緊乜既感覺真係好痛苦,好似乜都唔受自己控制咁,身體明明係自己既,但係點解會控制唔到既呢?個腦都係自己既,但係點解又諗唔到野既呢?就好似有半邊腦比個夾夾住左咁,個頭好痛呀,唔知係咪因為而家好似有少少發燒呢?
發燒咩我......但係就算發燒都唔抖得架喎,平面功課上一次做到一pat野咁,聽日又要返去面聖,如果聽日都交唔到野,我係皇上既心目中已經再無價值架喇,我唔想比人睇小呀,但係我而家咁既狀態,點算好呢?有冇人可以幫我拆返夾住我腦果個夾出黎呀?
金隆雲南米線大王既logo.......點做好呢?
我呢排咁做唔到野係咪因為成日掛住發姣呢?發姣......其實我都無乜真正咁發過姣丫,只不過係多左注重外表姐,都唔算架嗎?
如果我有男朋友就好啦,有左精神支柱我就可以專心做我既功課,如果一切無發生過就好啦,我就可以繼續勇往直前。
我有個同我同名既同學女,姓丁既,會唔會係因為同名所以剋住我呢?果日睇個壹週刊話同名又同行既人必有一個唔掂架喎~如果真係既話我諗呢個一定係我喇......
亞sir一睇佢份功課,即刻態度都變埋,但係睇我果份果時就係度串串貢......係咪因為我唔夠靚女呢?人地係度斯文靚女又溫婉可人,仲要岩岩開始拍拖......而我呢?......

心碎離開 轉身回到最初荒涼裡等待
為了寂寞 是否找個人填心中空白?
我們變成了世上 最熟悉的陌生人
今後各自曲折 各自悲哀

只怪我們愛得那麼洶湧 愛得那麼深
於是夢醒了 擱淺了 沉默了 揮手了 卻回不了神
如果當初在交會時能忍住了 激動的靈魂
也許今夜我不會讓自己在思念裡 沉淪

唔通我真係要好似歌詞入面所講咁,是但搵個人黎填補心靈既空白?我唔想,亦都唔敢,我怕再受傷。但係我又的確係回唔到神......
到底我應該要點做好呢?