咩叫做浪漫呢?
送一百支玫瑰?沙灘漫步?作首情詩?寫封情信?
如果邊個咁唔好彩搵著我做你女朋友,而你又做齊以上咁多樣野既話,你就奶哂野喇。
講真,我幾怕肉麻既野,如果你叫我一聲傻豬,我實會即刻指住你大笑;如果你係條街度向我求婚,我會選擇即刻掉頭走。

如果甜蜜係戀愛既產物,咁浪漫就應該係戀愛既燃料,而兩個人,就係原料。簡單d黎講,就係浪漫令到戀愛有甜蜜既感覺,又即係,最終目的係令對方有甜蜜既感覺。其實浪漫最緊要就係有心再加埋少少創意。
唔洗做好多野格,帶佢去一個從來都未去過既地方,已經係一種浪漫,因為起碼之前有心計劃過。如果唔係點解電視劇個男主角帶個女主角去大排檔個女主角會開心呢?因為有驚喜,有心思,有創意丫嗎。
不過如果你要學電視刻個你既女主角去大排檔,可能佢就未必咁開心喇,因為你抄橋!!!!!!
都話咯,最緊要有心思有創意。