當我係極度忿怒既時候,我就會失控,繼而暴走。
係呢個時候,我既意識就會好似電腦輕機咁……
跟住落黎發生既事,我應該唔會記得太清楚又或者就算記得清楚,都唔會再明白返當時點解自己咁做。
最近發生既暴走事件,應該係我黎手車左個電話埋牆,當個電話同道牆接觸之後,就即刻一分為三。首先係個蓋片左出黎,入面舊電接住尾飛脫彈左去一米以外既地方。
我係清楚記得當時既情形,我都清楚我咁做可能會有咩後果,但係我就好似發緊夢咁,控制唔到自己做緊既野,又或者係個腦同個身體條link暫時懷左掛。
不過大家唔洗為我擔心,呢部都只不過係屋企既室內無線電話,未係我部新既T630,我又唔會失控到掉部T630埋牆咁傻仔既~
好彩,我砌返埋部電話之後,都仲可以用得返,只不過係郁佢果時有少”locklock”聲,都仲可以打出打入。

無錯,我的確係一個幾癲既人;敏感,情緒波動大。有咩風吹草到,我都會有好大反應。遇到開心既野,我會更加開心;但係遇到唔開心既事,我會比人更加唔開心。
我唔知咁樣係好還是唔好,不過好唔好都好啦,呢d都唔到我選擇。
好多謝我身邊既人一直對我既容忍同埋愛護。