今日請左假唔使返工，因為有好多好重要既野要一日之內做哂！
尋日放工之後雖然好，但係又要即刻去彩排，返工屋企已經死，而且好夜先可以訓，因為要準備今日既司儀稿同訪問稿。但係今日要好早起身，因為要返學校選科，唉，放假同冇放一樣，連食飯既時間都冇。
今日朝早九點就同pinky妹妹返左學校，好好彩咁選到我地鐘意個科。緊住我地就去食左個靚早餐，食飽飽後10點就去到噴水池準備彩排。因為人未齊，所以我就爭取時間去蹾我以前老細交份報告俾佢啦。
我一直以為佢放大假，直到尋日，我先知原來佢唔係放大假，佢係去左德國參加龍舟比賽，所以先叫我尋日交報告。咁岩佢得閒，仲俾左d相我睇添，一大班人中，仲會見到一d我識既，澳門真係好細哦。最後，仲請我食左幾粒朱古力，不過，估唔到最後請我食朱古力係佢。
吹左一陣間水之後，就即刻落返噴水池進行實地彩排，曬死我！足足企係度成兩個幾鐘，係咁講野。中午食完飯後，我己有d中暑既感覺，就算不停飲水同茶防曬，都仲係好辛苦。下晝繼續係度暴曬，不過我突然間好想念飲豆奶，所以就即刻去左買左枝返黎飲，即刻涼曬！下晝既時候又熱又曬，真係渣住咪都唔係咁講得出野。係一輪暴曬完後，己經五點幾，我開始有d緊張，開始係度不停背稿，因為七點鐘就開始啦！！！
係成個節目中，我實在太緊張啦。唔係好慣有咁多人係度睇住我，所以講野係度食鑼絲，仲連食左幾次添，唉！不過，我地今晚真係好開心，咁辛苦彩排都係值得既。雖然個個出 show前個個都緊張，但個個都表演得好好，所以最後都好開心，真係好開心，仲係度不停咁影相，真係一身鬆哂。希望le個禁毒獎勵計劃我地會得獎啦！
攪掂哂後，返到屋企已經死哂。所以即刻訓覺，聽日返工係最後一日哦！

30/08/2005