尋晚同孔雀傾左好耐電話，但係都未講完既時候就要講byebye啦。孔雀係我係班度第一個識既朋友，所以每次地見面都好好傾。所以尋晚都幾早訓，但係今朝突然六點幾有個隱藏電話打黎，而我又唔記得熄電話，所以就俾佢嘈醒左啦，緊住訓返，如此醒下訓下，終於係12:30蘇醒左啦。勁好訓哦！
食完飯後就返左學校，一放假學校就成個地盆咁，左整又整。不過我去 locker到野既時候，就發現係公園仔個度裝左燈，可能咁樣可以方便d人係度溫習啦。記得上個 sem考試既時候坐係度黑麻麻麥都睇唔到，食野既時候仲攪笑，食麥都唔知，仲記得上次係度食餃子既時候，連食左奮辣既都唔知，辣死我呢！而家咁都不錯呀。
去到圖書館，連埋管理員加埋我得四個人，簡直我係圖書館食野都冇人理，靜到嚇人，同考試既時候簡直有天壤之別。我搵完資料後就順手借左兩本書，其中一本叫 ，唔知好唔好睇呢？
緊住就返工，慶幸既係今日冇特別事發生，一切都ok，所以好好地咁就過左一日啦。
27/08/2005