16/Apr/2008 (週三，天晴)

今日工作都算OK，又唔多野做～　咁就Join左Facebook，原來可以聯絡返以前的同學仔呀，真係好多好多年無見啦！唔知大家近況又點呢？

寫下Blog，傾下計，咁又放工啦～　今日我地就出發買禮物，先去勝利道逛逛，有一間係好靚，不過價錢太貴啦！所以就再逛下啦，見到BB Poodle真係好得意呀，不過就無一隻睇上眼，無一種好鐘意好鐘意的感覺呀！

之後就逛到買懵朱朱返來的Pet Shop，呀！咁啱老闆又係道，於是大家就傾傾傾，簡直係一發不可收拾呀！於是見到有鞋仔喎，好得意呀，就買下這份禮物了！

我地傾完狗狗經，又到懵爸傾舖頭經啦，巴巴巴一輪後，見錶位又夠鐘啦喎，於是就走了～　本來想快快買完野，快閃返屋企，點知又搆到咁夜添！於是行到錶位發現點解重有1小時40分的～　再望望隔離架車，原來佢入錯錶呀，入左我地個位果道喎，反正係咁我地就去附近食埋飯先啦！
哈，真係多謝晒喎！