15/Apr/2008 (週二，天晴)

6:15鬧鐘就響起啦～　唉呀！感覺好似無訓過一樣呀，不過無計啦，一個人返工係咁嫁啦，我就預一個半鐘可以返到公司！

一個人的速度真係可以好快的喎，唔駛20mins就可以出門口啦～　可能尚早，街上，車上，都不是很多人呀！首先搭輕鐵轉西鐵再轉地鐵咁就去到尖沙咀啦！
望一望鐘，下8點鐘咋，一個鐘就可以尖沙咀啦喎，平時楂車返工都要45mins啦！之後就去左McDonald買個早晨全餐，返公司慢慢嘆，香噴噴呀！

不過到了Lunch Hour，重係好飽呀，原來早餐唔可以食得咁豐富呀，於是就去左買飽包食算啦！

做做做又好快放工啦，今晚本來想去買禮物，不過咁啱朋友打來話剛收到新樓鎖匙，可以去睇樓啦！於是就快快趕去！雖然係比較遠，不過環境很好，很舒服呀！重有個大天台，朋友話會買個大水池，第時可以帶埋懵朱朱來走下，同埋佢的狗狗一齊游水啦！諗起都正呀！

見到朋友仔都有樓了，不禁自己都想擁有屬於自己的家呀，租的感覺真係不是太好的！