01/Mar/2008 (週六，天晴)

呢份係朋友Anna係大板的手信，重送左兩包溫泉粉比我，多謝晒！

裡面係一個白色的糕，再沾d黑糖來食，好特別呀！

今朝晨咁早就要起身啦，之後搆掂個仔又要執屋、吸塵、抹地，真係著住短袖衫
都唔怕凍呀，很快全屋乾淨晒啦！

望一望時間又夠鐘啦，於是快快裝身，右邊cons又唔生性，帶左5分鐘都唔得呀，好在最後都ok，真係手都軟呀！於是叮左個麵包，就匆出門口啦！幸好一落樓下有的士，就搭到西鐵站，咁樣真係快好多呀，希望遲d屋苑有Shuttle Bus去西鐵站就好啦！

咁樣出到九龍塘都要一個鐘呀，於是便開始第四堂學車啦！今日超緊張呀，係裡面兜了兩個圈就出大路，今次重要係農翔道，開成70公里的，重要cut兩條線出，真係好驚，望住後面又有貨車，又有巴士！不過慢慢都ok，重不知不覺開到84公里，師傅就講唔好開咁快啦，收油，前面有快相機的！佢唔講真係都唔知己經開到80啦！之後學了少少調頭，就夠鐘了！
嘩！師傅要去到12/Mar先有期呀，我4月就考試啦喎，一定唔夠時間學啦，於是師傅就幫我要改期，推遲先考試！

之後跟朋友去High Tea，周圍逛逛，懵爸就收工了，之後他帶我到考場逛逛，泊位調頭係比較容易，但係條路好難行，超多轉彎位呀，真係慘慘慘呀！

之後我地就到Petmax逛逛，聽說這裡是大型寵物城，有很多野買，入到去比我想像中小，還有很多東西都好貴呀，貴得離譜添呀，於是就走了！
都係等下星期去九展道先買野啦，我諗到時d野會平好多呀！