06/Feb/2008 (週三，寒冷有雨)

又到年卅十晚，金豬年最後一天啦！
我地又係如常咁返工，最慘係無得收早～　不過好在又無咩野，大部份公司都放假了，而我公司的高級人員也全部放假，所以今日非常悠閒！

到了中午我地就去飲茶，因為不用趕時間，所以心情都好輕鬆，一路食食食，非常滿足呀！回公司時見到有些人拎著包包，唉，人家放工啦，真係羨慕呀！

幸好同事買了雜誌，大家傾下計，又做下野，好快又到收工啦～　一夠鐘大家便急急腳閃人啦！　懵爸12點已經放工了，跟朋友逛街等我放工，之後我們先回家喂個仔，再去阿媽道食團年飯啦！

一家人開開心心咁食團年飯，之後還有傳統的碌油葉沖涼，好香好香的味道呀！

之後時間差唔多便閃人啦，因為趕著去買賀年禮品呀，嘩！全街都係人呀，於是左迫右迫，買到野啦，之後再去太子的花墟行年宵！
所有街位都full晒啦，於是以為泊得好近，點知原來個入口係另一邊，真係激死呀，一路行行，人很多間中又下著雨，真的凍到震呀！

花市有好多好多水仙都濟銷呀，我地見$10一盤，就買來試試可否開花啦，再買了金褸銀褸，雞冠花！望一望時間2:45啦，原來咁晏啦，聽日重有好多行程呀！
很快就返到屋企，簡直係全身疲累，於是沖涼，我個仔當然見到我地好興奮出來叫著要出來走走，跟牠玩了一陣，看了一陣電視就訓覺了！