今個星期一都係好似平時咁過, 只係今個星期日要考試, 我地係應該好好溫書, 但係係呢度真係好hea, 無乜動力溫, haha, 我諗到考之前應該溫得切卦, 重得閒到係度煲戲~~
個日食完飯, 八點倒好眼訓, 就滾上床訓左一粒鐘, 真係太舒服la, 不過食飽就訓, 好似好肥咁… haha, 九點倒爸爸打黎hall 同我吹水, 都係訓一陣就阿媽同我吹水la, 佢地依家隔兩個星期打一次俾我, 其實都夠la, 成日都傾, 邊有咁多野講呀, 之後佢講下香港野俾我聽, 只不過話佢地有咩食, 叫我唔好咁省, 鐘意買咩買咩咁la, 唔知點解個一陣覺得自己係呢度好似好慘咁… 之前係香港我都係過佢地咁樣ga 生活, 但係係呢度無野好食, 食d 平時係香港唔會多食ga 野…. 好似連橙都唔捨得買咁… 平時係香港日日都食ga…. 搞到我好感觸…. 就忍唔住… 不過我阿媽都聽唔出, haha, 之後傾完無乜事, 但係我都down down 地…. 係呢度之前未試過咁ga…. 之後上網玩msn, 見到肥姐同呆哥, 睇到呆哥架新車同埋佢d 相, 個刻真係好掛住佢地同埋香港, 覺得係呢度咩都做唔到, 又見唔到佢地…唔可以同佢地一齊玩…. 好似同佢地脫節咁…又覺得自己好似係度捱緊苦咁…. 又覺得好委屈…. 我突然諗起佢話聖誕唔得閒黎, 但都開始諗送咩俾我做禮物…. 個刻真係好想喊…. 好似發泄之前積埋係心裏面ga 感情…. 之後就嗚…. 到停唔到…. 之後肥姐又勁叫我唔好咁, 又話無話唔理我…之後呆哥又叫我唔好喊….原本停左無喊, 又再喊返… haha… 諗返都覺得樣衰…. 個刻真係覺得喊左舒服d, 雖然真係無咩大不了ga 事發生左…. 但係個刻真係超掛住香港同埋佢地…. 平日我都唔會咁ga, 但唔知點解個日好似翻起晒所有掛住香港ga 感情…. 就忍唔住喊la… 諗返真係覺得樣衰同埋自己好無用…. Haha… 不過我一向都係d 易喊ga 人… 不過好怕係人面前喊… 因為人地越安慰我, 我就越喊得勁…. 其實係香港有時我因為d 小事都會喊… 因為平日積埋d 唔開心ga 事… 好似喊完就忘記左當中ga 唔開心~~

依家無野la, 只係星期一心情特別唔好... 一時感觸~~ 好無用呀...
黎左咁耐第一次喊ja….. 我諗都係感情ga 發泄卦… 我要係呢度開開心心…. 唔要成日掛住香港… 要好好enjoy 呢度ga 生活, haha

↓d 歌詞唔岩feel... 不過個歌名岩, hahaha

我哭了 張學友

是誰人在暗示 事前強烈暗示
二人大概出了事
是誰人誤了事 事前從未注視
未曾問妳的意思
最後妳 離開時
不作聲 仍不語
使我想也不透
猜也不透 妳心思

二人沉默對峙 突然明白暗示
是沉默引起變異
為何從未揭示 未曾提及愛字
讓人誤了這輩子
我自信 仍不遲
想告解 我心意
方法只有一個
都要一試 未算易

如緣盡了 緣滅了
能被說話動搖 我恨平日辭令領略太少
如緣盡了 緣滅了
能被眼淚動搖
我就寧願流下眼淚
滿足妳需要

旁坐在笑 隨便笑 連自尊都不要
看吧 留下隨便看吧
我經已哭了

為何藏著愛字 為何藏著妳字
沒連續說這兩字
為何逃避了事 為何延誤了事
為何沒有講妳知
要待妳 離開時
乞與討 求寬恕
方會給妳知道
給妳的愛 有多痴