呢度最近有個西博會(西湖博覽會), 所有有好多野搞, 之前有煙花節, 依家又有美食節, 我地兩個都有去呀, 先簡略講下煙花節la, haha, 個日我地去左玉泉校區後面個座山度睇, 都行左三, 四個字樓梯先上到去, 都咪話唔辛苦…. 重記得我地係世紀聯華度買定d 熟食去食tim, 去到個度已經有好多人係度la, 其實個煙花係係西湖放gei, 但係佢好”昆”水咁要收入場費, 所以我地就遠距離咁睇la, 其實都唔錯ga, 有個好似閃粉ga 煙花真係好靚, 重有心心, 星星同埋哈哈笑, 真係幾得意, 不過睇足四十分鐘, 黎黎去去都係個d, 所以越睇越想走la, haha, 都係無香港咁靚, 之後我地就逼巴士返紫金港la, 個時真係逼到痴線, haha, 顛ga, 重逼過係香港撘地鐵….我地都夾硬逼入去, 返到紫金港, 食埋老蘭就返hall la, 個日好開心, 影左好多相同埋真係幾好feel, haha

美食節其實係等同香港旺角ga 街頭小食, 因為平時呢度唔會有咁多呢d 野食, 夾埋成二百幾檔, 咁就叫做美食節la, 我地食左牛丸, 鯊魚丸, 糕點, 北京塡鴨餅, 南瓜粥, 美容蟹, 串燒鴕鳥肉, 炸醬麵, 南瓜餅, 炸香蕉, 炸魚柳, 炸雪糕, 葡撻, 西米糕, 臭豆腐, 乞兒雞脾同埋桂花酒, 個度重有好多騎野野食, 好似炸海星, 炸海馬, 炸蠍子, 炸蠶蛹, 同埋手撕兔肉….
我地都食左成百四蚊, haha… 重要入場費三蚊, 真係唔平, 不過真係幾好玩, 之後勁驚無車撘, 好彩有k900, 不過都等左成半個鐘~~

食完呢d 香港野, 真係幾有親切感, 令我更加掛住香港~~~ :p