上星期六, 因為阿jack 佢地去左九寨溝,
其實我都好想去ga, 不過屋企人唔想我去…
咁我地幾個人就自己搵節目,
去浙大另一個校區, 華家池la,
之前都聽聞過個度好靚, 去到都真係無失望wor, haha

星期六, 11點幾我地就諗住撘校巴去,
因為唔使錢, haha, 但係原來有好多班車,
星期六都唔開, 得返一班12:30…
結果我地就食完老蘭就再返去撘車…
架車都幾頹廢同殘下, 重要兜晒其他校區…
不過免費又唔使轉車, 是旦la, haha
撘左成粒鐘, 等車個下我真係呆左…
完全係香港ga 公屋feel,
無忽似大學… 個度叫華家池社區…
滴晒汗… haha

之後行行下見到有個細池塘..
以為個個係華家池, 原來真正個個又幾似西湖咁樣,
有好多揚柳係湖邊, 重有d 亭同埋橋,
我覺得似一個公園多過一個校園~~
我地行左一陣, 之後terry 好有興緻咁話撐船,
呢d 咁浪漫ga 野, 梗係要同我地三個女仔一齊做la,
哈, 之後我地就玩撐船la,
但係成日都歪係其中一邊,

大家撐左一陣已經覺得好支力,
我地幾經辛苦撐到去條橋度…
竟然俾d 阿叔趕走, 話我地嚇走佢地d 魚…
幾難得先可以泊埋去條橋呀, 哼…
之後撐下影下相, 一個鐘好快就過lu,
其實如果兩條友拍住拖咁撐又真係幾浪漫,
我地四條友好似完全破壞d 氣氛, 哈哈,
諗返都覺得好搞笑呀~~

之後我地行下就撘返車出去延安路la,
其實我本身真係完全唔識路,
又唔識睇地圖, 好彩有terry 係度ja, haha
我真係覺得有佢係度個人都定d…
因為我唔知點解成日都整跌d 野同埋好唔小心…
好論盡呀….

出到去, 我地就去左麥斯餐廳据扒,
黎左咁耐都係第一次据扒同埋食pizza,
塊扒唔算太細… 都ok gei…
我地諗住留肚去德克士度食甜品, haha
我無食甜品… 我本來想食qq 丸新地…
但結果食左個半個雙雞堡… 幾好食, 只係$3.5一個…
唔知點解個一陣好滿足, 雖然唔係咩貴野,
感覺好似係香港食街頭小食咁~~

行行下又見到有人跳舞慶祝萬聖節,
我地就係度吸靚女la, haha
之後就去家樂福掃貨…
唔知係咪因為之前無咩錢使…
逼自己省錢, 買野個刻好似解禁咁…
乜鬼都買, 買個下真係好爽…
但係使錢個下, 真係頹左少少…
雖然係香港買零食成日買五十幾蚊,
但係呢度五十幾蚊真係算好多….
不過算la, haha, 只要開心就得ga la~~ :p

個日真係玩得好開心呀,
好想快d 去第二度旅行或者出去玩,
唔使成日留係紫金港咁悶, haha