尋晚行左成晚都揀唔到禮物俾媽咪,唯有今朝勁早起身同亞爸亞媽去尖沙咀飲茶做下乖乖女啦~出到去我都仲係污下污下未訓醒,所以唔係食太多野~

飲完茶去左廟街附近個玉石批發市場睇野,有水晶賣,仲好鬼平!我揀左條粉晶,亞媽揀左條紫金沙,都不過係$115炸!所以我paid! hehe~

之後又搭車去上環買燕窩+sth like that,買左5千幾蚊!真係第一次見亞爸買野咁鬼疏爽且面不改容毫不肉赤咁樣喎~買完亞爸又話帶我地去西環食糖水,又曬又熱,d路又斜,點知發覺原來亞爸都未去過o個間糖水舖,連exactly的位置都唔知,最後梗係搵唔到啦!

熱到死…之後就打算搭車去香港仔食魚蛋粉,有勁密小巴亞爸唔坐,係要搵巴士坐,行到勁遠先搵到個巴士站,仲要發覺原來巴士仲貴過小巴~激死!

我咁大個女印象中都好似第一次踏足香港仔同望下鴨利洲係點o既樣炸…真係有d瘀! 不過o個間魚蛋舖又真係幾好味,好正!esp.熱到出煙o既炸魚片+爽口彈牙o既魚蛋~間舖真係發死!超級超級多人,等左勁耐先有位,本來坐5個人的檯坐夠8個,迫爆間舖咁滯!

今晚係我大獻身手o既時候~我負責買食送+煮飯!
菜譜:
鯇魚西洋菜滾湯
白灼生蝦
叉燒炒蛋
清蒸桂魚
雖然簡單,但我落足心機,都幾好味架~~haha,洗碗呢個任務梗係留返俾我亞哥啦!>.<

今天好累喔~