前兩日去左哥個暗戀左我兩年幾ｇｅ男仔個生日會，我超唔知點咁，早知唔好去，去完又好後悔，因為我發現佢同兩年幾前一樣，都會俾到好大ｇｅ壓力我，我就坐響佢身邊，感覺好有壓迫感，個心淨係想快ｄ走開，最好有咁遠走咁遠，只要無佢ｇｅ地方都唔係問題囉！
　　個個人都問我點解唔接受佢，個個都話佢好好，但無辦法，因為佢始終令我咁有壓迫感，其實兩年幾前我都考慮過佢架，但因為佢總會令我諗返起一ｄ我唔想面對ｇｅ事，再加上我響生活，屋企，朋友圈子入面ｇｅ壓力己經好大，有太多ｇｅ痛苦同無奈等住我應付，而佢偏偏又會令我覺得辛苦。或者就係我地之間無緣吧！我唔知咁樣係咪我ｇｅ錯囉！其實我真唔想ｈｕｒｔ人，但結果好似ｈｕｒｔ到左對方。永遠都係唔想ｈｕｒｔ人卻將人ｈｕｒｔ到，真心為人又會被人ｈｕｒｔ到，或者世界就係咁架啦！又或者我想避佢係因為想保謢我自己啦！我個心已經唔想再承受任何傷痛同悲哀，對我黎講逃避可能最好。我唔係唔想面對，而係我面對過，但始終都無辦法面對得到！唉．．．可能呢個世吤就係有咁多無奈架啦！
　　講真，我就係唔想見到有人傷心難過，但唔知點解保護人ｇｅ同時，我永遠都會受傷。算啦！就俾我保護自己一次半次啦！其實點做先可以唔ｈｕｒｔ到人又唔ｈｕｒｔ到我自己呢？唔通真係無辦法！？唉．．．人人睇我好似好開心，但又有邊個知我煩ｇｅ野丫？我想簡簡單單做人，但偏偏生活又逼人！無奈！