12-5-10(三)早上回校，見阿沈俾左佢個仔係浸會睇皮膚醫生的地址我，我咪上網search浸會醫院的入口，跟住細梁建議我睇黃埔的譚紹棠，我見網上講佢9點開診，所以同校長講聲先去睇醫生，然後再返工，d濕疹痕死我了，又發炎，個口又張不太，真救命!

    9:00去到譚紹棠到，姑娘話醫生未返，要九點幾十點先返，我是第一個到，於是我話我出去一陣，醫生回來就CALL我吧!跟住我去左銀行換Euro準備給阿姨去法國時幫我買袋，之後再番診所等醫生。睇完醫生回校就即刻食藥同塗藥膏。

   放工坐5:50的車回家，飯後食藥，超眼瞓，8:10sleep!

13-5-10(四)7:12起身，眼左差不多11個鐘，但未見精神，可能再食了藥的關係，睇仔時都幾眼瞓。

    Lunch時call阿媽話佢知我會回家吃飯，但講講下變左我請佢食飯，是但啦!放5:30同阿媽去食和民。跟住坐6:40車回家。

    飯少專登食少一粒寫住睡前先吃的藥，免得好似琴晚咁，勁眼瞓，一早睡。食Burger King後返學，Burger King的雪糕真的很滑，一試難忘。

    上堂後，得出的結論是英語不一定是越早學越好!也要視乎小朋友的成長環境、家庭背景而定，要有適切的配套，在無壓力愉快的環境下學習才會有趣味!而有一定的母語基礎後才學習能減少他們要番譯的麻煩，不會使學習成為一個打擊!

   放學同同學仔一齊坐18號回家。等去到西九龍廣場對出時，天送車尾，所以行陣百佳先再去等車。