1-5-10(六)7:45買埋三文治返到學校，又要做艱辛的事，就係開閘，個閘真係超重lor!唉!

    8:00跟雞車去斧山首運動場，以前華英年年都係呢到搞運動會，以前red cross又會當值幫人急救，一切都過去了，而今都差不多10年冇來過這裏了，上次係讀緊ive BA year1時，放學過左來搵少敏。

    攞左d袋係locker後，就去幫手攔雪糕筒。Set 場時都曬，熱死人呀!救命!如果有帶超就好了，下一次要醒d先得!

    幸好到開始活動時，不再曬了!今日聯校活動係第一次搞，所以都有d亂，加上個咪d聲音好差，好散(同多年陸運會聽的召集聲音一樣。)

    12:00左右完function，坐van出旺角，本來諗住call瑩瑩改係旺角食，那我就不用行咁遠，因為我自己都真係有點累，平時的我行下又有咩所謂，不過Alan已經到左和亭附近了，所以都係要去返油麻地，同Alan買左份保險，因為舊年身邊都有d婦女病，都不敢令我想買番份保險，但時間一過不再憂慮時又沒有了想買的需要，但今期又突然即興，還是買吧!買個安心啦!

    跟住同瑩瑩去左新世紀睇下有咩戲好睇，可惜d場都幾full，夜晚d位先好少少，不過大家又不想搞咁夜，之後行下街啦!d泳衣特價，買左兩套，其中一件係長袖的，防曬，可以留番下次學風帆時用。

   為左買過500蚊換一張戲飛，再買多副超。但後來先知要換戲飛，當中要包括一張100蚊以上的食肆單據。於是同瑩瑩去左食麻布茶坊。

   五一黃金週，四周d野都好平，好想買野呢!