芒果流心蛋糕
買左9:25飛，之後落番先達個邊食米線，然後行先達睇電話，跟住上番戲院，套戲冇我想像中咁好笑，可能阿周講到好好笑，令我期望大了，但都OK啦!
10-4-10(六)1:00瞓，3:30起左身，因阿哥D鼻寒大到令我失眠，到4:30都瞓唔返，我想推一推阿哥，阿媽話唔好，怕嘈醒佢，佢叫我去睇電視，咁去睇電視LOR，上網睇返星期四晚的「搜下留情」，到5:30時開始累，便上床瞓，7:00起身。只係瞓得4個鐘，真係累爆。
放1:00，同阿盧先去吉之島買圍裙，買左條好靚o既Hello Kitty圍裙，跟住去番車站會合阿何，一齊坐小巴去佐敦，再轉地鐵去荔枝角學整芒果流心芝士蛋糕。
呢間鋪係細梁個教友開的，佢地教蛋糕個導師教得幾好，每個部驟都好清晰，最後由2:00整到5:30先走，跟住攞個蛋糕返屋企雪先，再睇埋琴晚個集「搜下留情」，睇到一半時，阿龍打來話佢地已經到了黃埔，撞鬼你咩，因為7點幾先到，而家6:47就到了，我拿拿聲衝出街，去追6:45由黃埔開出的免費巴士，又好好彩被我追到，但跑到索曬氣。
我去到戲院時，阿龍、vicki、Rinwon幾個都未來。
之後我地買了人神魔戰戲飛後，就去了吉之島買野飲，跟住7:30睇戲，跟住去元氣食飯，之後Rinwon車番我地幾個返屋企。
沖涼洗頭後，繼續睇埋未睇完的「搜下留情」，1點瞓了。
跟住一邊睇電視「行運一條龍」，一邊做功課，都係等電視做完，先能再專心研討究功課點做。
6點時，Dranell問我一唔一齊食飯，你來愛民我就食，因不想去遠，佢話佢想食KFC，但我只打算叫佢來愛民食粥，佢話佢除了潮州粥，佢唔食其它粥，那冇計啦!
9點做完功課，YEAH!可以繼續打下日記先。