深圳東部華僑城 第一天
2-4-09(五)行出紅磡火車站，坐港鐵去九龍塘，第一次見呢個月台咁多人lor，冇計啦!d人襯復活節長假期，要返大陸!
好彩我地去深圳東部華僑城係有專車去的^^!幸好同阿蘇坐，阿周…我為你的遭遇深感同情!hahaha!
係深圳東部華僑城入面路經其它的酒店，它們的外形都ok wor!但我們住的一間係園內最貴的成2千幾蚊一晚，好彩有教會津貼今次行程，否則都幾貴。
酒店大堂唔係特別靚，但當中有個地方住滿了雞仔、鴨仔和兔仔，內裏有復活蛋和大屋，d雞仔好得意呀，令我想起了20年前養的雞仔。而家香港自從有H5N1後，就禁示止了散養家禽，能養雞仔的日子也成為回憶了!
酒店大堂用到wifi，可以上網玩msn wor!勁!科技拉近左人同人的距離，我覺得自己好似係仍在香港。同埋大堂裡有個好似教堂擺設的地方，最適合人用來影結婚相!
Lunch在酒店的酒樓吃，飯後下大雨了，天氣也開始凍，好彩帶多左件外套，但係短裙仔+涼鞋都係會凍的。
去睇「天禪」，這齣大型多媒體歌舞晚會以茶禪為故事骨幹,長約50分鐘
跟住去行下d花園，影下相，但煙雨蒙蒙，d相都係麻麻地。
晚飯打邊爐，d野真係唔好提，龍蝦丸好似一舊野入面擺左d火腿，香腸唔似香腸，係d豆腐、牛肉同鵪鶉蛋最正常。
趕住8:30瞓房睇「秋香怒點唐伯父」大結局，同埋阿蘇、阿周、Chris一齊攤下sofa同張床到睇電視，感覺良好!
睇完電視後，就去搵埋明姐、Mancy、玉姐一齊去浸spa，亦趕住係11:00戶外spa close前去浸下，但佢d spa好cheap lor，所謂的蘋果、香橙池，就只係拋d水果落果池到，與我當年係台灣同韓國浸的spa相比，差太遠了。
11:00清場，就返入室內游下水，今次第一次下水，其實往後可以游多d啦!但唔知d皮膚頂唔頂得順。
游完水沖涼後去食水果。
食完水果後，坐d免費車回酒店，見到大堂的雞仔、鴨仔、兔仔已經睡覺了，和我當年所養的雞仔一樣，佢地係瞓覺時會痴埋一齊瞓，跟住我都返要房瞓一個好覺!