30-1-10(六)行路返工時，撞到佢，一個中學時的暗戀對象，其實我都唔肯定係咪佢，但我直覺覺得係佢，同埋最近係facebook見過佢d相，我諗係佢怪，不過見到咪又係咁，冇咩特別感覺。

   放工2:00去做facial，跟住4:00整負離子。

31-1-10(日)11:30返左黃埔堂，先係兒童天地幫手照顧小朋友，跟住帶班仔攞去表演，安基主日完後，成班同事去和民食飯，食到差不多3點，同阿王睇左陣衫，根住坐小巴出旺角，勁塞車。

     4:05到新世紀廣場，同HIQ睇80分鐘死亡續集，睇呢套戲真係喊救命，個鏡頭勁震，因佢模擬番戲中人用DV拍的景象，中途又會突然間黑曬，扮DV機無電，呀….呢D戲真係不可一不可再。由於睇戲時係食左爆谷同雪糕，所以唔係好食得落飯，行左陣先去食米線，結果我飽到都只係食雞翼擺了。

1-2-10(一)放5:00，去左食米線下午線，跟住返學。

2-2-10(二)早上，阿蘇來見工，4:30時佢再來，跟住已FIRM請她了，因另一個人冇來second in，之後我送阿蘇去坐美乎van，跟住係番去車站同阿何一齊坐6:40車回愛民。

3-2-10(三)放5:00，同阿媽去意粉屋食下午茶。

4-2-10(四)放5:30，返學，放學去棋社，跟住食潮樓。

5-2-10(五)放5:30，阿聲call　ｍｅ。

6-2-10(六)放1:00，行紅磡，因為想出電話，跟住3:30約了瑩瑩，佢未來前，我都已經睇左電話了，睇中左sony ericsson紅色的satio，但都要3800，加埋平電話費2年都要5000到，出I phone連兩年上網都係8000到，不如出I phone 吧!

    跟住同瑩瑩去和亭食tea，然後去教協，一心打算去3出I phone，點知因為張恆生credit card唔夠三個月有效期而出唔到平plan(頭一年無限上網)，其實到時張卡係咪都會renew架啦!真係激死!

7-2-10(日)Ken又話11：00來到愛民，結果因為天雨關係，佢唔敢開得快，要成12:00先來到，去左黃埔和民食tea，跟住去mexa box，第一次去呢商場，佢o既停車場設計真係麻麻，勁繞圈，睇埋花田喜事，跟住去左行翔龍灣，然後去中央圖書館個邊入油，就打算去奧海城食晚飯，但係冇位泊車，打算改去圓方時，又行過左條路，結果上左高速公度，改為去為梨木樹睇佢間學校，跟住返番愛民食粥。