10-1-10(日)7:15起身，8:30出到廣華街，點知Dranell呢刻先至上小巴，根本人地就係約9:00，起初話食早餐，佢約我8:30，到我話唔食了，佢又係約8:30，其次又冇提我帶舊衫、舊鞋，真係火都o黎，你點約人架，咁鬼冇交帶。

    Frank遲到，我地成車人等佢，Ken說笑話要20對1，haha!9:15開車入元朗三軍外展中心。

    280蚊包入場費同午餐，第一個場係好多草叢同車呔，我跟阿KEN個組，佢玩慣了，所以教我地點玩，佢話我地分三隊，發現敵軍時，就博鬥，而其中一人就繞去敵軍後面射佢。

   我真係出師不利，出第一場時腳就扭傷了。第三場時枝槍又射不出，原來係斷了電源。

    第二個場去山上玩攻防戰，我地個隊先攻，跟住阿KEN爬係到上山，又要(蚊)D樹枝借力向上行，好彩有手套，如果唔係好易整傷，真係一個前所未有的體驗，總結一句：「軍人唔易做!」其中做防守個方，就易玩好多了，等獵物來射舒服很多。

    跟住食Lunch，d燒味飯不錯呀，比起上次學風帆個邊d野食好食好多。

    食完野就緊係要把擺機會影下相啦!

    Lunch後去一個荒廢汽車場+木屋再打過，又再分個組，又好好彩同KEN一組，佢又好有策略領導我地分三組進政，跟阿KEN個組WIN多，所以幾有成功感架!後來又玩一次送人質過對岸，我地個組好成地射死敵軍，BUT有一個規例就係敵軍死曬可以復活番，再一齊過去打人質，突然阿SIR吹雞，因為佢見到好多人圍埋一齊，都唔知係人質到對岸先，定係被人打死，好不幸地阿KEN跌左落一條河好臭o既河，勁臭，於是佢唔再參賽，返去沖身。

    跟住我地去最後一個場地了，係漁塘旁邊，又石同野草，起初做守個方，好容易殺對方，到做攻果隊時，Dranell同Frank躲下d野草入面，我被Frank近距離射中大腿，勁痛呀!呢場我地個方輸了。

    跟住回大本謍換衫走了。

    出番旺角，同Jessie、Dranell、Roanld、Oliva一齊食新森林，係餐廳時，阿聲打來，諗住佢係附近的話就搵佢食飯，但佢已回到大埔了，跟住回家了。超累!