8-12-09(二)返工時，見到思樂由奶奶揹返學校，衰豬你咁鬼重，揹死老人家咩。

    放工時，同阿何一齊坐6:10車回家，跟住去左公園到食腸粉同燒賣，呢期真係鐘意左食燒賣同魚蛋呢D雜糧，全因上上個星期四同阿何、阿盧坐車去旺角買魚旦先開始好上呢D雜糧。

    跟住回家，沖完涼洗埋頭，玩msn，食埋飯開始打下日記了，好鬼耐都冇打過了。

9-12-09(三) 放6:00，但Mandy sned 短訊來話要遲d到，我同阿何一齊係學校hea多陣先走，到走時，發現前門個閘下不到地，原來係個閘已經鎖上了，好彩曾經鎖個閘發現呢個問題，否則鎖唔到閘都唔知點算好。

    跟住去蔡蘭樓下搵Mandy，然後一齊食一間日本野食烏冬，Elise一直都好想食呢間野，在好奇下我地去試下。

    講番佢知我唔返安素原因係因為上次Joe生日的那個笑言，正如我所諗佢地都不嬲都係咁玩，點解突然會咁，可能係自己唔想俾人定形，同樣地或許佢同偉仔都唔鐘意我地笑佢慳。

    Anyway大家可以攞得出來講，也可以做番朋友呢!跟住我地去行吉之島，然後我坐8:20車回家，趕得切睇巴不得爸爸。

    我上車後大家都互send短訊，認大家都仍然係好朋友，I agree!

10-12-09(四)7:00去到棋社，氣氛好鬼悶，想走先，Dranell識穿我的諗法，所以同我落去行左一世，再夾番我上去，捉棋後去左一間泰國野食海南雞飯。

11-12-09(五)11:00leave，攞左幾個鐘頭OT補假去香港公園睇Elise打東亞運動會o既壁球比賽，佢留左張貴賓飛俾我，當然要去捧場下。最後佢都win了，入到明天的決賽。

    7:00去了楊震整牙，一整蚊牙真的令人好煩。