12-9-09(六)放工後，我同貝然上深圳按摩，又可以好free同realx咁過一天，係皇崗返落o黎後，我地行左一陣朗豪肪，由於阿媽去旅行，阿哥又上左廣州，得番我一個係屋企，直到瞓覺前都好地地，但熄曬燈準備瞓覺時，突然唸起d鬼故事，如樓上有枱椅發出聲音，有小朋友聲等…，真係自己嚇自己。

13-9-09(日)在家開冷氣執屋，拋棄了一d伊健舊剪報，因為已變黃了，阿爸突然話放假，返左來，所以有人煑晚飯俾我食。

14-9-09(一)早上一號風球，其實呢幾日我已經不斷留意地下天文台o既颱風消息，我覺得呢個風根本就係吹向香港呢邊，應該可以掛8號的，所以我早幾日更同瑩瑩講，星期二實8號，邊個返工就傻仔，下午三號風號，後來天文台話6點前應會掛8號，我放5:30時都未掛，我行吉之島，本來想買野食，亦撞到阿何排隊等俾錢，但眼見收銀處大排長籠，重要冇得用自動付錢處(close)，最後乜都冇買，拿拿林去排隊免費車返愛民，行經街巿去大昌時，立下眼見到人地蒲頭個電視機好似出左個8號風球符號，但我冇仔細睇，一入大昌時，正撞到老樂埋單，但我同瑩瑩傾緊電話，所以冇叫到佢，如果唔係可以叫幫我找埋數。係蒲頭聽到個店員講話已經8號了，佢地都即將關門。

    跟住我再去華潤買野，我行去收銀櫃俾錢時，老樂突然行在我前面(haha!頭先你走左一次，咁今你自動送上門)，好野，我d食物有人俾錢了，多謝哥哥。

    回家後我煮飯，煮左紥肉磨菇湯意粉、雞蛋包腸仔蝦柳、同煎香腸、雞柳、漢堡包，睇落全部野都唔係好健康wor!夜晚瞓街時祈求風繼續吹，8號呀8號唔好咁快落呀!

15-9-09(二)早上7點半起身，見電視重係8號就繼續瞓，9:00Elise打來傾計，跟住繼續瞓，10:45Vicky Ma打來話8號風球已經落左，我問佢幾時落，佢話10:15，fine，我2個鐘頭內要返工，所以12:15實可以返到去。

    竟然變番3號風球，黃婧霖返學，佢媽媽唔係主婦嗎?可能有事吧!基本上唔駛睇仔，所以下午可以做下d paper work。晚上返學。

16-9-09(三)放工6:00先上旺角的和民，坐下不久，瑩瑩也到來，呢餐生日飯拖到而家先食，真係耐了點，唔緊要啦!順手俾埋d日本手信佢。跟住我地上左教協証埋張教協証，然後再去飲stuckbux ，後來再行埋直鎖中心，起初見到架風扇話今日特價$88，但原價只是$99，見佢減咁少，就唔係好想買，但行多陣見到同一款風扇，佢寫原價係$168，如果佢原價真係$168，我會買lor，因為減得夠多。結果我真係買左呢把風扇，呢個風扇會攞番學校用，因為學校真係好鬼熱，個中央冷氣開得著，只得風，一d都唔涼，熱死人，而家我課室個位係比以前K3那個室好d，冇咁熱，但係焗lor，唉…買把風扇救救自己吧!

17-9-09(四)瞓到9點起身，10:45去到油麻地診所抽血，繼續去圖書館借書，12點左右返到學校，繼續返工，5:30放工整多學校先去左尖沙咀，會合Vicky Chan，行左一陣會合埋Vicky Ma，無無聊聊係無印良品o既陳列房玩積木。

        繼住再行多陣就去mtr搵埋剛放工o既Dennis，再一齊去食印度野，呢間餐廳起初完全無人，個格局似舊式中國酒樓。    如果唔係佢那道有印度特色的門口位，其實似一個中國餐室，食完飯行左去松記食糖水，跟住我再去三洋搵佢地，食飯的只有6個人、小保、蘇蘇、阿卓、師父、王子、阿雪，人丁單薄呀!唔左以個種熱鬧感。

問蘇蘇識唔識bear sir，原來bear sir都有教過佢(世界真係小)，蘇蘇先話叫佢得閒就出去下d舊學生聚會。