29-8-09(六)第二次新生識應班，同阿彭夾得ok，佢做野都算快，同佢拍檔其實不差的，起碼佢唔會搵我笨。只係講人做野心急有時會(澡)。父呀!希望今年我地大家都夾到啦!

    放工坐115去銅鑼灣，2:00同表妹食和民，用渣打信用卡優惠，俾多數$1多個一餸。跟住行下IT、銅鑼灣地帶，重撞到凱怡o既堂哥-富仔，以往都間中聽佢地提到呢個人

。

   跟住4點幾去左食豆腐花，然後5:00去shiseido上化妝班，用左新o既眼影同唇彩，用完個唇彩感覺不錯，決定去買，之後同表妹攞住頭先化妝班俾的送禮信，一齊去恩平道間shiseido買野。

    跟住7點幾leave，係鵝頸橋下睇住架113走左，跟住去睇野，落離時，離遠又見到有113，咁就當然跑去追巴士。

    113真係超快，好似唔駛10分鐘，就過埋海2個站後下車，一落車聞到好大陣煙味，已肯定今晚其它大廈有孟蘭會。

30-8-09(日)返午堂，做招待，如果唔係做招待，我可能未必去，本身團契d 人打算去和亭，但係冇位，於是改去食仙洮源。

    飯後同Vicky Ma去百老滙電影中心睇沖天救兵，要$85張飛，真係好貴wor!

    跟住去麥當勞買麥旋風，d聰明豆要咬，所以唔喜歡呢個雪糕，加上食食下雪糕時，聞到有驅蚊貼的味，頓時冇食慾。

    沖天救兵都唔錯，開場時只得英文冇字幕，好似呢套戲成套都係咁wor，好彩佢只係預告。見到d畫面係3D都好正WOR，$85都值得，套戲有D位都幾感人，雖然有D劇情太過天馬行空了-用輕氣球使屋子飛揚。但卡通片就係咁樣架啦!天馬行空，如果我重係細個時睇，會喜歡呢個idea，但人大了，接朋現實，夢想少了，幻想也少了。

    回家沖涼、食西瓜、吞拿魚餅，睇錄影帶，打日記，跟住又開始眼瞓了。

Ps樓下搞盂蘭節法事，好煙好焗，一回家即刻開冷氣。

31-8-09(一)返8:30，9:00開會，跟住收拾課室，去電腦室用電腦時，Rayn話我知佢琴日都去左瀑布，重有女仔都一樣肯跳瀑布，佢自己都難以自信，再問佢先知那個女仔係中國人tim，一個字勇，12:30洮源食飯，呢間茶樓食物不錯呀，不過我個位剛剛坐係船頭的玻璃窗下，縱然有落簾，但個背脊都係好熱，飯後，直頭要攞埋把扇o黎撥。

     之後同阿何去大眾睇PVC，但大眾只得細卷，於是去奇趣天地買，之後阿何返去先，我去DBS搞埋D e-banking手續，就去starbucks買野飲，有渣打信用卡，俾$1多一杯，很抵呢!

     放5:00，但都搞到成5:30先走，冇計，明天開學，點都要預備好D野先走得。同阿何行左陣商場，跟住佢坐5:50的免費巴士，我就繼續行等埋阿媽o黎埋黃埔一齊食和民。