15-8-09(六)明明教左8:00鬧鐘，但唔知點解冇響，結果我成8:45先醒，拿拿林起身，坐的士趕番學校，校長晨早產人，話我地唔著白恤衫，只是著白色衫，得阿彭一個最聽話，又話我地唔放工唔簽名走，係自己唔岩，冇計。

    叫d你10點返，Martin、浩鋒、家俊、璟熙遲到，嚇死我，我又冇帶著電話紙出來，最後仍然搵唔到浩鋒，冇計了，照採排吧!

    個台太細了，出o既方向都與平時練o既不同，咁啱浩鋒又係做小鳥o既第一個出場，希望到時佢夠醒冇事啦!

    完左畢業典禮太開心了，鬆曬，但冇咩話太傷感，佢地出場時，我都諗番起我第一年做老師睇小朋友跳畢業舞會好唔捨得，但今日冇當天個種難捨難離，又冇話有傷心，係咪我d感情太薄弱呢!(或許每年都有畢業禮怪!)早排都會諗到佢地畢業典禮那天表演完，我會唔會好唔捨得，我那時覺得不會，到我搵佢地d相做紀念cd時，都會諗番佢地細個時，有d懷念佢地細個o既一切，我鐘意我地一齊祈禱，一齊為世界祈禱，今年我都覺我同d仔疏離左，係咪因為要返學讀書，少左時間接觸佢地，定係我成日將d時間放係d文件上，少左同佢地玩，同埋佢地越來越大過，好似唔係好聽教，所以佢地一走，我教一班新的話，可以從新來過，這也不錯，講真經驗不足教高班，都有d辛苦，辛苦在於我怕會害左佢地，佢地因為H1N1有個braak，我可以透下氣，同埋佢地有D行為真的倒退了，但我會掛住佢地，睇望佢地常常會回來探我。

畢業典禮完，同d小朋友係台下影相，跟住佢地返入課室換衫，好彩d家長幫手同佢地換，所以牫只係點下d衫夠唔夠就可以了，跟住返安基換衫去謝師宴，我係學校四周尋個淺綠色harrods 袋，因個袋中袋了條locker key，冇locker key就攞唔到袋，幸好最後係儲物室d紙箱搵番。

  跟住去家長為我地搞的謝師宴，很多謝鄭生鄭太為我地搞呢個宴會，thx!收到鄭生送給我的相架，有埋小朋友相，好靚呀!thx    宴會後去左睇小朋友係波波池到玩。

   夜晚同miss lee，joyce、fion、巧清一齊食和民。