瑩瑩真係好醒
4-8-09(二)十一點幾已3號風球了，究竟「天鵝」呢個風打唔打得成，放工6:00想唔去做gym了，想襯冇乜風雨前回家，都執左d運動衫出來，還是去吧!做完一個鐘運動後，出左汗，感覺很不錯，沖完涼，焗桑拿，跟住吹頭髮時，聽到廣播話天文台會係9:45或之前掛八號風球，於是我拿拿聲走，去到車站時，睇住8:20的車開了，於是入吉之島超級市場行下，跟住坐8:40的車，竟然在車上撞到阿葉同佢個女-陶陶。
5-8-09(三)一早起身，風球已走了。放工同Mandy偉仔去倫記食車仔麵，跟住去左佢地屋企睇電視，9點走時，超大雨，落到樓下時，我未行到對面天橋時，條裙都濕曬了，行去吉之島避雨一陣，再出車站時，雨已細了，一上車等開車時，雨又開始大，落車時，又好大雨，回家一陣冇耐，雨又細了，真係玩野咩!
6-8-09(四)Lunch同阿王去吉之島、大眾、十二期o既文具鋪睇文具，睇番d買俾仔o既禮物。
放6:00排隊等免費巴士時，正昕媽咪係對面馬路見到我，佢同正昕講後，正昕係未見到我的情況下，去車隊前大叫吳老師，傻朱o黎架!亂咁打招呼，跟住佢媽咪指番我o既方向，我再同佢揮手示意。
10:00就睡了，超健康。
7-8-09(五)瞓成9個半鐘，好夠精神，最後天天暑期聖經班了，係音樂室講完故事後，鋼琴哥哥抱起d小朋友，佢同我講話照顧佢地都幾爐氣，冇錯…小朋友唔要教
到係大肌肉室大合照後，我d仔又要每個哥哥逐個抱，鋼琴哥哥同我講話Martin都幾聚手，我同佢講，原來高係一個恩賜(個個小朋友想被抱高d，睇遠d)，佢同國強都係度笑。
坐5:50車回家，好悶呀!真係好想去玩。
8-8-09(六)返工，跟住回家休息，跟住午2點半瞓到3點半，然後起身打下日記，4:45返安素，call寶民時，佢冇聽，望入圖書館時，先知佢地祈緊禱，於是我將露營個幕放係圖書館後就走了，跟住去卓悅，同瑩瑩一齊做facial，瑩瑩真係好醒，因為我同佢一人買左一枝peeling，佢識得留意個EXP day ，個盒寫2010年3月，咪即係唔駛一年就過期，不怪得而家有8折啦!個職員重話係由呢個日期開始用先好，咪玩啦!寫明EXP day，真係當人唔識字咩，於是個經理話下次有貨時，換番枝俾我地。
跟住我地去和民食飯，因為佢有和民卡，所以我地一早訂了位，唔駛等就可以入去，good!
本來我計好數，食完呢餐飯，應該可以過150蚊，蓋3個印，但張單o黎到時，竟然只係$146，原來瑩瑩用和民卡埋單有95折，不怪得我計條數唔啱lor，可惜!
之後瑩瑩陪我去睇一d袋(係謝師宴時送番d禮物俾小朋友)，係玩具鋪搵到個$15o既winnie the pooh袋，但可惜佢唔夠18個，跟住就睇中左$19一個o既尖麻街環保袋，但都係唔夠數，跟住個職員攞左個大d size o既袋來，老細話照計$19，點知一睇價錢見到係$25，佢表現得有點後悔，因為蝕左，最後佢搵到21個袋出來，我地要曬，瑩瑩要了2個俾佢d姨娚，我都留一個俾阿媽，因佢好鬼鐘意儲環保袋。
最後我地行返去嘉樂對個邊飲珍珠奶茶。
9-8-09(日)被阿媽個電話嘈醒，9點幾已起身了，後來11:30又瞓到12:30，坐1:00車落黃埔，跟住登記玩UNO，我見到我的名字下哪個名係李海洋，呢個咪就係我o既中學同學，又會咁啱(但係會場唔覺見到佢)。
呢個show請左4個model撐場，但我一個都唔識，在場中A.lin是有最多人為她立喊!