2010-03-14 14:52:28車人
日本旅行 第三天 橫崗+ 新宿
19-7-09(日)今日去橫崗睇拉麵博物館，睇到世界各地出品的麵，日本人的服務態度真好，我搵一個負責搞珠換禮物的店員影相，佢o既笑容好親切。
下午去新宿，得好少時間購物，係agnes b專門店搵紫色袋，但冇貨，跟住係藥房都已經逗留了好耐，其它地方冇乜點行過，之後跟大隊去食sabusabu自助餐，真想留低繼續買，然後自已返酒店，不過呢到離酒店太遠了，所以冇咁樣做，或許明天自由行先算。
旅遊車開去餐館途中，見到彩虹，條彩虹好大好靚，人生第二次見天邊出現彩虹，那當然要影得佢啦!^^
係酒店用msn同Phoebe chat，由於明天會自由行，佢都俾左D意見我，所以我計劃明天一定會去淺草、上野公園，至於棋社可能真係未必去了，似終一個人去又影下相好似冇咩隱，難題真係去挑機咩?
夜晚瞓覺時，我突然聽到是來床拍左一聲，頓時心跳加床，勁驚，唔係有鬼呀!D聲音好似係手拍被的聲音，於是自已又故意拍番下張被，然後話俾自己聽應該係自己唔覺意張隻手拍左被唔知啫。那瞓覺了。