8-7-09(六)早上起身再浸多次溫泉先落樓食早餐，跟住去左薰衣草園同埋食左個薰衣草雪糕成300日元，除起成廿幾蚊港紙，如果唔係旅行，我一定唔捨得食。味道都ok la!  

 之後去左富士急遊樂場，d機動遊戲我一樣都冇玩過，可能唔係同自己班friend玩吧!所以冇乜興趣玩，佢有一條好刺激的過山車(74度高速大轉灣、垂直上昇落下、90度的直角轉、如飛碟般的幽浮、無重力的落下感)，超多人排隊，不過我諗我都唔係好敢玩。

我同阿王佢地分開行，佢地2個人去玩，我就周圍影相同埋買手信。入面有個thomas 樂園，d公仔幾得意，如果同小朋友來，一定會好開心。

見到有一個寫心願的地方，我都入鄉隨俗，寫番d願望先。

跟住坐車離去富士山區，去左原縮買，係agnes b買左鍊，同阿王分佢地分開了，似終一大班人行得好慢，獨來獨往做野爽快得多。跟住我自己行玩具商場，買左副圍棋，然後再四圍行，去左一間偏遠的無印左一個首飾盒，其實想買一個首飾盒好耐，而家係度買差不多6百蚊，如果係香港我一定唔會買，又係旅行放鬆心情用錢的因素，錢都事小，托住咁重嘅箱回香港，更要不能寄倉，以免跌爛，有點攞苦離生。不過自己卻為這戰利品而開心，真係服左我。^^ 憑方向感走回原縮的大街，又係要趕住上車，如果唔係可以行下竹下通。 坐成個鐘頭車去到酒店，又係自己一間房，good，更成的係房間有電腦，好感動呀，不過開不到，第一件事即刻打電話叫人來整，又好彩大家都識講同聽英文。但佢地d英文真係怪怪地，是但啦!溝通到就可以了。

跟住導遊帶我地出去搵地鐵站(因為星期一自由行要自己坐車去)，同阿王佢地一齊食豬扒飯，四百幾日元到都幾平，買野方法幾得意，就係係門口買張飛，然後俾鋪內的店員，等候取食物。

 飯後我自己周圍行，去左睇人地夾公仔，跟住我再四圍行，行左去紅燈區tim，都有少少駕架，所以行快幾步先。 快到酒店就上網，感覺自己好似仍在香港咁! PS第一次可以係酒店房內上網，感覺很棒!