能夠準時上堂的方法
18-4-09(六)早上先返安基，再入大埔聽比比和朋友o既分享會，跟住坐火車去旺角，行去安康，五間center一齊進行呢年o既課程改革分享會。分享會完後去beauty forever做facial。
19-4-09(日)12:20起身，做art功課，3：30leave，去了朝林係apm果邊的棋社，間棋社係d工廠大廈入面，都幾特別，王子同小保已一早o黎左，到我地7點幾走時，師父都冇出現，最後佢同埋焯賢一齊同我地係雅蘭對面o既沙嗲王食晚飯。
20-4-09(一)做art 功課，12:00先瞓。
21-4-09(二)放工時同父母一齊係黃埔食和民，爸爸有魷魚食就好開心了!11:00sleep!
22-4-09(三)返學時順便交埋art功課。
23-4-09(四)好彩有阿王呢兩日幫我手，諗d畢業禮o既舞蹈，今朝校長失驚無神走入o黎睇我地練習，都痴線的，琴日先開始排下位練下舞(雖然之前都有諗過一d舞步，亦係大肌室練過下，而校長亦都見過下)，今日就入o黎睇。
真係好多謝阿王呢個好partner，佢幫我解決左好多問題，我冇帶畢業班經驗，佢又教我點樣排舞，點樣係平時練習。我呢期狂爆瘡，我青春期都冇試過出咁多瘡，有機會係我用錯精華素，或者係我之前d負離子頭髮貼得太近塊面，什或係我呢排好多壓力，其實諗落應該係一d無形壓力影響緊我，我已經屈埋係屋企做功課成個月了，同埋學校d野又好似做唔完，最麻煩係搞埋d課程改革，好煩。
放6:00，去車站搵呀媽，佢已經係到排緊隊了。
有個人上來sell 和記，我就順便check埋我i-cable合約到期日先知原來2月12日已過期，我己俾了2個月全數月費2百幾蚊，後來簽埋和記，因為佢話有100m光纖入屋，重要係每個用戶獨享，加上icable開個價唔吸引，我到期又唔話我知，我做記得18個月前續約個時，個sales勁無禮貌，話全城冇人平得過佢，而今次同我傾個人又係態度麻麻地，(興興)地下就簽和記了。
夜晚焯賢再問我有冇matthan id分數，因為佢想換張敬軒演唱會飛，我又順便搞掂埋我渣打個e-banking同電話理財o既密碼，今日呢2個人都分別幫我解決左我一直好想做，但又未拖左好耐未做o既事情。
24-4-09(五)上第一堂讀寫萌發，miss竟然6:45收點名簿，話過6:45當遲到，2堂遲到，當1堂absent，佢呢招真係好有效，起碼我之後堂堂會係6:45前出現。(但佢之後都冇再係6:45即時收點名簿呢!)