復活節假期
10-4-09(五)復活節假期第一天，9點幾已醒了一次，再瞓到11點起身了，起身就上KGS捉圍棋，同電腦捉緊，跟住阿恆問我去唔去睇明星簽名，原來係去成和道到等同睇，車…以為有咩名星簽名會，不過我對明星恐怕冇咩大興趣!
1:00又瞓過，3:30起身。
11-4-09(六)同埋阿Frank d朋友一齊去踩單車，係大圍問價，竟然要150蚊一日，真係好過去搶，跟住我地過左大埔個邊去問價，那邊就90蚊踩番個大圍，後來Frank d 朋友都想改唱k或bbq，但我同Frank都真係想踩，所以90蚊都打算去馬，跟住佢d朋友都轉呔，一齊踩單車了，晚餐去心田圍大排檔食。
12-4-09(日)崇拜後，同少敏去左唱k，係嘉樂商場o既green box唱，既然又係32號房，又諗起佢。唱k後同少敏一齊行去element，因為從未去過，所以好想去下，下午5點左右leave。
13-4-09(一)同阿媽與及同事一起去迪士尼，明明meno寫約10:15迪士呢門口等，為免遲到，同阿媽一齊坐的士去奧運站，去到時佢地好多人都遲，跟住佢地話係約10:45，下…但我再問詩姐姐，詩姐姐都話係約10:15….車…早知咁多人遲，我都唔撘的士咁趕啦!不過唔撘的士而等巴士or行路去奧海城，其實都幾遠，呢d$都係唔好慳。
第三次去迪士尼了，坐埋未坐過o既火車環繞樂園一周，一落車就同好多迪士尼人物影相，時間尚早，都冇乜人影相，可以影到好多公仔，good!
成日主要同阿媽、阿王、林浚彥、Chris、明姐、Mandy、玊姐佢地一齊玩，今日同阿媽都好，因佢未o黎過，反正我張飛唔駛錢，都只係出佢果張飛，咁就唔係好貴，都要多d陪下媽咪了。
下午3點幾，由於下雨，巡遊只得一架車，同埋d迪士尼人物會著雨衣同拿雨傘。
晚上睇煙花前見到有個男仔同個女仔求婚，跟住迪士尼工作人員再左隊頭匝俾佢地，好sweet呢!
睇完煙花，即刻同阿媽閃，因為想快d坐車走，因為驚人多一齊走，會好迫，出左門口走左一段路時，收到阿王call，於是等埋佢一齊坐車去奧海城食大家樂。
