8-2-09(六)早上返工，清左好多文件了，放1:00，去左麥當勞用麥樂會送o既coupon換左一個漢堡包、細粟米和細汽水，然後再加一個香芋批。

    坐115過銅鑼灣，落車後係銅鑼灣廣場坐的士上玫瑰崗幼稚園，阿霍間學校係正d半山區貴價地方，佢個課室好開揚呢!

    我2:15去到時，佢地已經整好曬!我只係扮曬野影幾張整緊野o既相就可以了，Rosa校長先西利，佢帶埋個負責藝術o既同事仔來幫手整野。

    我地5個坐番的士去銅鑼灣，其後阿霍o既好朋友都有一齊來食下午茶，係紅螞蟻o既下午茶都幾抵食。食完野我又幫手寫一張意見form，跟住餐廳又送番張食滿$150平$30o既coupon俾我。

    之後同禪禪行教協，行到4:30左右，本身約左Michael5:15係!銅鑼灣等，條死仔遲到，話要6:00，早知我返一返教會la!本身想去維園坐下，瞓下覺，但突然又開始有毛毛雨，結果我去左IKEA坐，坐係張SOFA到成個鐘，真係頂佢。我不知幾想回家瞓覺呢!一來累，二來又period第一日，個肚有d 「lun」住痛。

    銅鑼灣d戲飛得番d長頸鹿位，於是過係奧海城睇，睇9:40一百萬零一夜，呢套戲好睇好多!出生在貧民窟的18歲小伙子Jamal，如何能夠答對一連串的難題而輕易奪得一百萬？背後原來是一個感人的愛情故事。

道演拍攝d小朋友被捉o既鏡頭拍得很好，跟住Jamal跳落屎坑呢幕真係笑死我!最慘莫過於佢媽媽被殺，跟住佢地成為孤兒，過著漂泊的生活，執垃圾為生，為了三餐只能行乞或行騙，佢地o既泰姬陵o既錢手法真係好好笑。