令人感動的花
2-2-09(一)人地個個返工，得番自己放假，其實都幾悶，醒起少敏而家返partime，於是諗住搵少敏去玩，佢原來今日去大陸，不過佢只去歡樂谷，不會按摩，但少敏都好想按摩，於是我同佢相約夜晚一齊按，6點係羅湖等。
2點係到睇真情，跟住3點出門口，坐103過海去st john 總部。
攞完fristaid証書，行番落金鐘，去左渣打銀行問番個e-banking psw，然後再去恆生換張m power credit card ，因簽不到卡。坐103巴士過海，係紅隧下車轉火車，等緊巴士時都諗緊其實一早可以坐地鐵，九龍塘轉火車呢!因為兩鐵合併後，應不會太貴呢!算啦!都等緊巴士，同埋紅磡上車就一定有位坐，企成8個字，俾多小小錢都冇所謂啦!最緊要有位坐。
到上水時，send msg 俾少敏，佢又唔覆我，我去上水出一出閘，2分鐘有下一班車，我出閘一分鐘左右都即時入番閘，真好，係羅湖時，好猶豫好唔好過關，因少敏重未覆我，雖然我同佢講好左係商業城o既大家樂/大快活等，anyway照過關吧!真大膽呀!第一次自己過關，過關係重係到聽歌，諗落一個人係條街到行都係太危險了，所以即刻唔敢再聽歌。
行入大快活見到少敏，好開心呢!因我一路行時都好驚見唔到佢，如果見唔到佢，咁我點算好呢!仍然一個人去按摩嗎?
少敏話佢有覆我sms，但後來佢check番，結果係佢save左去草稿，少敏話佢都有叫佢個朋友call me，就係呢個時候，佢個朋友先打俾我，佢朋友都用左4個字先過到關。
跟住我地去左復興按摩，6:40按腳按到7:30，8:20去按身，按到10:20，跟住係大廳睇珠光寶氣同傾計。呢d生活好hea 呢!似d闊太冇野做享受生活。
11:00去沖涼，坐11:30車去火車站，車上那個4個師奶好嘈好煩，12:00前過關，上到火車時，已行前好多卡，後來那個4個師奶又坐係對面，去係上水我地出一出閘，一來慳錢，二來可以唔好再同師奶同卡。係旺角下車，行番屋企。
3-2-09(二)返工lu，9:00一回校係後門撞到娥姐，佢已俾利是我了。
今年校長都有派開工利是，第一年佢有派，第二、三年都冇派，今年佢有派了，佢早上問阿Lo駛唔駛派，阿Lo話機構冇規定要派，不過校長你想派可以派架，結果佢有派。
開完會，12:00出鳳城食飯，有呢餐飯食感覺很好呢!很有開工氣氛。
下午msn見Dranell，同佢講我今晚返學，問佢食唔食飯。
放學同Dranell、焯賢食魚鱻，焯賢先10點幾先到，真係遲得過份。
之後我地去麥當勞，Dranell同焯賢捉棋，Dranell殺到佢遍甲不留呢!鬼叫佢呢期太嚣張。
4-2-09(三)放工，阿賢o黎學校搵我，因為約埋少敏一齊係黃埔食飯，點知少敏話會遲收工，不如改九龍城食，於是我地坐車去九龍城搵佢。
係九龍城廣場搵左緊上海餐館食飯，同埋等少敏。
飯後去金滿堂食糖水，跟住送少敏去車站，然後我同阿賢再行去樂富坐車。
5-2-09(四)收到你枝花，好意外，好感動，好想哭!聽聞你重係第一次送花俾女仔tim，多謝曬!
咁你收左呢位仁兄既第一枝花，實係好感動。
係呀!當場眼濕濕呢!