29-1-09(四)同焯賢、Edmund、Kira、蘇蘇、Amy一齊去睇赤壁II，跟住大家去唱k，然後再去小保屋企拜年，玩到點幾走了。坐的士回家時，同架司機好好傾，起初我以為佢行錯跟，跟住佢解譯番，因為條路轉唔到左，之後佢又話好多人以前都試過以為司機專登繞路，我明白的，我懂渣車，自然知道有d路係轉唔到灣，不過有時改左道我地就唔知。

    到收錢時，佢又收少番我錢，話最緊要大家happy，跟住大家就係到吹水了，因聽佢d英文，都知佢浸過下夜粥，原來佢以前開廠，跟住冇曬錢，而家就渣車，佢有好好o既人生觀念，大家都認同人情冷暖，而家d鄰居都冇咁close了，佢話佢試過同個客人一齊下車傾左4個鐘，我到達後，都同佢係車上傾左4,5個字，如果唔係Dranell打俾我，我地會繼續傾的。

30-1-09(五)同媽媽去鳳城飲下午茶，跟住坐2E去Mandy屋企，見到坤同師妹，夜晚阿joe、Phoebe、偉仔一起食飯，再夜d焯賢都有來一齊玩。

31-1-09(六)3點瞓，10點幾就起身，去旅行慣左早起，返到香港一樣，即使夜瞓，都唔會瞓到黃朝八晏，其實咁都幾好，下午時，Ray問我夜唱唔唱K，剛好我想唱K，跟住3點半我去左瞓晏覺，阿Ray5點幾打來同我約今晚唱k時間，6:45我去到Newaycity，佢同Anson未到，我自己唱住先，真係撞鬼，一唱歌時竟發覺自己沙聲，明明講野都冇沙，竟然一唱歌就咁，玩野咩!唱到9:45，俾多左9個字唱。