28-1-09(三)要離開了，每次旅行最唔捨得就係個trip完結，要坐飛機返香港!幸好，下星期二先返工，重有5日玩。

    唔捨得River，佢實在講左太多搞笑經驗俾我地知(雖然好多聽落都有d假)。但真心鐘意佢的，臨尾我地都有同佢擁抱一番。

    River的分享：幾年前一個新年有個trip，畢生難忘，首先全車好full，領導冇位坐，但有個阿伯將個袋放係一個位又唔俾人坐，後來先知袋中放了太太骨灰。

    一個女團友因失戀，所以自殺，但死唔去，要賠地毯錢，個trip完時同三個一齊去旅行的其中一個男仔一齊了，幾年後到佢結婚話番俾river知時，佢係同左三個男仔中的另一個人結婚。

    有一對的確涼兄弟坐車尾一左一右，成日做騎呢動作，如一個起一個坐，個頭不斷拉窗，七日著同一件衫，同埋合緊交杯飲鼓油(資料由一個八婆師奶提供)，打得唔夠精彩，如果想知詳情就call me la，我會慢慢講解的。

     返到香港時，我同焯賢繼續留係機場，因為要玩埋出發前未玩完o既金幣，跟住去左睇飛機展覽館同打機，我都係第一次回桯返到香港機場時，重留左幾個鐘係機場唔走，anyway明天唔駛返工，慢慢hea下都得。

    同焯賢放番d行埋去佢屋企先，跟住佢再幫我攞行理去我屋企，然後再一齊出番旺角買明天同棋友睇赤壁o既戲飛。